تفسیر القرطبی

Al-Qurtubi · 114. An-Naas · Ayah 1

  1. قُلْ اَعُوْذُ بِرَبِّ النَّاسِۙ﴿1﴾

    1. قُلْکہدیجئے
    2. اَعُوْذُمیں پناہ میں آتا ہوں
    3. بِرَبِّ النَّاسِلوگو کے رب کی
Translation · Al-Qurtubi
کہو کہ میں لوگوں کے پروردگار کی پناہ مانگتا ہوں
Tafseer · Al-Qurtubi

رب الناس کی پناہ مانگنے کی تعلیم وتلقین کا ذکر وبیان۔ سو ارشاد فرمایا گیا کہ کہو میں پناہ مانگتا ہوں اس کی جو رب ہے سب لوگوں کا جو کہ سب کا خالق ومالک بھی ہے اور قاہر و قادر بھی سبحانہ وتعالی اور وہی ہر کسی کے خیر وشر کو پوری طرح جانتا ہے اور ہر شر سے بچانے کی پوری قدرت بھی رکھتا ہے پس وہی پناہ دینے کے لائق ہے سبحانہ وتعالی اس لیے ہمیشہ اسی سے اس کی پناہ مانگنی چاہیے یہاں اللہ کی تین صفات کا ذکر فرمایا گیا ہے رب الناس یعنی سب لوگوں کا رب ملک الناس یعنی سب لوگوں کا بادشاہ اور الہ الناس یعنی سب لوگوں کا معبود کیونکہ یہ تینوں صفات اس پر دلالت کرتی ہیں کہ وہی ہے پناہ دینے والا اور وہی پناہ دیے سکتا ہے اور اسی کی شان ہے پناہ دینا پھر ان تینوں میں سے سب سے پہلے صفت ربوبیت کا ذکر فرمایا گیا ہے کیونکہ یہ اللہ کی نعمتوں میں سے وہ سب سے پہیل نعمت ہے جس سے اس کے بندوں کو سرفرازی نصیب ہوتی ہے، اس کے بعد اس کی مالکیت اور بادشاہی کی صفت کو بیان فرمایا گیا ہے کیونکہ اس کا علم وادراک بندے کو اس وقت ہوتا ہے جبکہ وہ عقل وفکر والا ہوجاتا ہے اس کے بعد اس کی الوہیت اور معبودیت کی صفت کا ذکر فرمایا گیا کیونکہ جب انسان عقل و شعور کے اعتبار سے کامل ہوجاتا ہے تو وہ اس حقیقت کو پالیتا ہے کہ معبود برحق وہی اور صرف وہی وحدہ لا شریک ہے اور ہر قسم کی عبادت و بندگی اسی اور صرف اسی کا حق ہے سبحانہ وتعالی فایاہ نعبد وبہ نستعین