تفسیر القرطبی

فلا اقسم یعنی میں قسم اٹھاتا ہوں۔ یہاں لازائدہ ہے۔ برب المشرق والمغرب سورج کے مشرقوں اور اس کے مغربوں کے رب کی۔ اس بارے میں گفتگو پہلے گزر چکی ہے۔ ابوحیوہ، ابن محیصن اور حمید نے برب المشرق و المغرب واحد کے صیغہ کیساتھ قرأت کی ہے۔ انا لقدرون۔ علی ان نبدل خیراً منھم اللہ تعالیٰ فرماتا ہے : ہم ہلاک کرنے، انہیں لے جانے اور فضل، اطاعت اور مال میں بہتر لوگوں کو لانے پر قادر ہیں۔ وما نحن بمسبوقین۔ کوئی چیز ہم سے فوت نہیں ہو سکتی اور ہم جس امر کا ارادہ کرلیں، وہ ہمیں عاجز نہیں کرسکتا۔