Siraj-ul-Bayan - 13 : 38

وَ لَقَدْ اَرْسَلْنَا رُسُلًا مِّنْ قَبْلِكَ وَ جَعَلْنَا لَهُمْ اَزْوَاجًا وَّ ذُرِّیَّةً١ؕ وَ مَا كَانَ لِرَسُوْلٍ اَنْ یَّاْتِیَ بِاٰیَةٍ اِلَّا بِاِذْنِ اللّٰهِ١ؕ لِكُلِّ اَجَلٍ كِتَابٌ

وَلَقَدْ اَرْسَلْنَا : اور البتہ ہم نے بھیجے رُسُلًا : رسول (جمع) مِّنْ قَبْلِكَ : تم سے پہلے وَجَعَلْنَا : اور ہم نے دیں لَهُمْ : ان کو اَزْوَاجًا : بیویاں وَّذُرِّيَّةً : اور اولاد وَمَا كَانَ : اور نہیں ہوا لِرَسُوْلٍ : کسی رسول کے لیے اَنْ : کہ يَّاْتِيَ : لائے بِاٰيَةٍ : کوئی نشانی اِلَّا : بغیر بِاِذْنِ اللّٰهِ : اللہ کی اجازت سے لِكُلِّ اَجَلٍ : ہر وعدہ کے لیے كِتَابٌ : ایک تحریر

اور تجھ سے پہلے ہم نے کتنے رسول بھیجے ۔ اور ان کو ہم نے عورتیں اور اولاد دی اور کوئی رسول بغیر حکم خدا کوئی معجزہ نہیں لاسکا ۔ ہر وعدہ لکھا ہوا ہے (ف 1)

ظہور آیات کیلئے ایک وقت مقرر ہے : (ف 1) مکہ والوں کی ذہنیت یہ تھی کہ وہ بات بات پر اظہار عجائب کی خواہش کرتے کبھی کہتے ، یہاں چشمے پھوٹیں ، کبھی کہتے ہمارے اسلاف کو زندہ کر دو کبھی کہتے مکہ کے پہاڑ سونے چاندی کے بن جائیں ، غرضیکہ ، خوائے بدرابہانہ ہابسیار ۔ ان دو آیتوں میں قرآن حکیم نے اصولی جواب دیا ہے ، ارشاد ہے کہ اظہار کو ارق کا تعلق منشاء ایزدی سے ہے ، رسول کے اختیار میں نہیں کہ جب چاہے کوئی کرشمہ کر دکھا دے ، یہ اللہ کی مرضی پر موقوف ہے کہ جب مصلحت جائے انبیاء (علیہم السلام) کے ہاتھوں عجائب وخوارق کا اظہار کر دے ، اس لئے یہ ضرور نہیں کہ رسول تمہاری ہر خواہش کو براہ راست پورا کرے ۔ (آیت) ” لکل اجل کتاب “۔ سے غرض یہ ہے کہ ہر مدت موعود کے لئے جو وقت مقرر ہے ، اسے خدا ہی جانتا ہے ، تم نہیں جانتے یہ غرض نہیں کہ ہر صدی کے بعد رسول کی ضرورت ہے ، یا کتاب شریعت کی حاجت ہے ، یہ مقصود ہے کہ ہر نبوت کے لئے ایک دور ہے جب وہ ختم ہوجائے تو کتاب کا نزول ہوتا ہے یہ سب باتیں ملحدانہ ہیں آیت کے سیاق وسباق کو اس سے کوئی تعلق نہیں ۔ (آیت) ” یمحوا اللہ ما یشآء ویثبت “ کا بھی یہی مدعا ہے کہ ظہور آیات کے لئے خاص قسم کے حالات وفضا کی ضرورت ہے ، بعض دفعہ وہ گناہوں اور لغزشوں سے درگز کرتا ہے ، اور مہلت دیتا ہے کہ منکرین سنبھل جائیں ، مگر جب توجہ اور رجوع کے تمام درجے ملے ہوجاتے ہیں تو اس وقت وہ عذاب بھیجتا ہے ۔

Top