Tafseer-al-Kitaab

وَ لَوْ لَا فَضْلُ اللّٰهِ عَلَیْكَ وَ رَحْمَتُهٗ لَهَمَّتْ طَّآئِفَةٌ مِّنْهُمْ اَنْ یُّضِلُّوْكَ١ؕ وَ مَا یُضِلُّوْنَ اِلَّاۤ اَنْفُسَهُمْ وَ مَا یَضُرُّوْنَكَ مِنْ شَیْءٍ١ؕ وَ اَنْزَلَ اللّٰهُ عَلَیْكَ الْكِتٰبَ وَ الْحِكْمَةَ وَ عَلَّمَكَ مَا لَمْ تَكُنْ تَعْلَمُ١ؕ وَ كَانَ فَضْلُ اللّٰهِ عَلَیْكَ عَظِیْمًا

وَلَوْ : اور اگر لَا : نہ فَضْلُ اللّٰهِ : اللہ کا فضل عَلَيْكَ : آپ پر وَرَحْمَتُهٗ : اور اس کی رحمت لَهَمَّتْ : تو قصد کیا ہی تھا طَّآئِفَةٌ : ایک جماعت مِّنْھُمْ : ان میں سے اَنْ يُّضِلُّوْكَ : کہ آپ کو بہکا دیں وَمَا : اور نہیں يُضِلُّوْنَ : بہکا رہے ہیں اِلَّآ : مگر اَنْفُسَھُمْ : اپنے آپ وَمَا يَضُرُّوْنَكَ : اور نہیں بگاڑ سکتے مِنْ شَيْءٍ : کچھ بھی وَاَنْزَلَ : اور نازل کی اللّٰهُ : اللہ عَلَيْكَ : آپ پر الْكِتٰبَ : کتاب وَالْحِكْمَةَ : اور حکمت وَعَلَّمَكَ : اور آپ کو سکھایا مَا : جو لَمْ تَكُنْ : نہیں تھے تَعْلَمُ : تم جانتے وَكَانَ : اور ہے فَضْلُ : فضل اللّٰهِ : اللہ عَلَيْكَ : آپ پر عَظِيْمًا : بڑا

اور (اے پیغمبر، ) اگر تم پر اللہ کا فضل اور اس کی رحمت نہ ہوتی تو ان میں سے ایک گروہ تم کو غلط فہمی میں ڈالنے کا تہیہ کر ہی چکا تھا حالانکہ وہ اپنے سوا کسی کو غلط فہمی میں مبتلا نہیں کر رہے ہیں اور (اپنی چالاکیوں سے) تمہیں کچھ بھی نقصان نہیں پہنچا سکتے۔ اللہ نے تم پر کتاب اور حکمت نازل کی ہے اور تم کو ایسی باتیں سکھا دی ہیں جو تم کو معلوم نہ تھیں اور تم پر اس کا بڑا ہی فضل ہے۔

[74] یعنی یہ لوگ اگر اصل مجرم کی حمایت کر کے آپ کو غلط فہمی میں مبتلا کردیتے اور اپنے حق میں غلط فیصلہ حاصل کرلیتے تو وہ خود اپنے آپ کو اس غلط فہمی میں مبتلا کرلیتے کہ حق ان کے ساتھ ہوگیا حالانکہ حاکم عدالت کا کسی غلط فہمی کی بنا پر فیصلہ کردینے سے حقیقت نہیں بدل جاتی۔

Top