Tafseer-al-Kitaab - Al-Hadid : 24
اِ۟لَّذِیْنَ یَبْخَلُوْنَ وَ یَاْمُرُوْنَ النَّاسَ بِالْبُخْلِ١ؕ وَ مَنْ یَّتَوَلَّ فَاِنَّ اللّٰهَ هُوَ الْغَنِیُّ الْحَمِیْدُ
الَّذِيْنَ : وہ لوگ يَبْخَلُوْنَ : جو بخل کرتے ہیں وَيَاْمُرُوْنَ النَّاسَ : اور حکم دیتے ہیں لوگوں کو بِالْبُخْلِ ۭ : بخل کا وَمَنْ : اور جو کوئی يَّتَوَلَّ : روگردانی کرتا ہے فَاِنَّ اللّٰهَ : تو بیشک اللہ تعالیٰ هُوَ الْغَنِيُّ : وہ بےنیاز ہے الْحَمِيْدُ : تعریف والا ہے
جو خود بھی بخل کرتے ہیں اور دوسروں کو بخل کی ترغیب دیتے ہیں۔ اب جو شخص (اس نصیحت سے) روگردانی کرے گا تو ( وہ جان لے کہ) اللہ بےنیاز اور سب خوبیوں والا ہے۔
[31] یہ اترانے والوں اور فخر کرنے والوں کے دوسرے پہلو کی طرف اشارہ ہے کہ اس طرح کے لوگ چونکہ اس خبط میں مبتلا ہوتے ہیں کہ انہیں جو کچھ حاصل ہوتا ہے خود ان کی اپنی تدبیر سے حاصل ہوتا ہے اس وجہ سے وہ اپنی ظاہری ٹیپ ٹاپ اور فخر جتانے کے سوا دین و ملت کی راہ میں خرچ کرنے کو خسارہ اور تاوان سمجھتے ہیں۔ اس طرح کے کاموں میں وہ خود بھی بخل کرتے ہیں اور لوگوں کو بھی بخل پر اکساتے ہیں تاکہ ان کے بخل پر پردہ پڑا رہے۔
Top