Urwatul-Wusqaa

یُوْصِیْكُمُ اللّٰهُ فِیْۤ اَوْلَادِكُمْ١ۗ لِلذَّكَرِ مِثْلُ حَظِّ الْاُنْثَیَیْنِ١ۚ فَاِنْ كُنَّ نِسَآءً فَوْقَ اثْنَتَیْنِ فَلَهُنَّ ثُلُثَا مَا تَرَكَ١ۚ وَ اِنْ كَانَتْ وَاحِدَةً فَلَهَا النِّصْفُ١ؕ وَ لِاَبَوَیْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ اِنْ كَانَ لَهٗ وَلَدٌ١ۚ فَاِنْ لَّمْ یَكُنْ لَّهٗ وَلَدٌ وَّ وَرِثَهٗۤ اَبَوٰهُ فَلِاُمِّهِ الثُّلُثُ١ۚ فَاِنْ كَانَ لَهٗۤ اِخْوَةٌ فَلِاُمِّهِ السُّدُسُ مِنْۢ بَعْدِ وَصِیَّةٍ یُّوْصِیْ بِهَاۤ اَوْ دَیْنٍ١ؕ اٰبَآؤُكُمْ وَ اَبْنَآؤُكُمْ لَا تَدْرُوْنَ اَیُّهُمْ اَقْرَبُ لَكُمْ نَفْعًا١ؕ فَرِیْضَةً مِّنَ اللّٰهِ١ؕ اِنَّ اللّٰهَ كَانَ عَلِیْمًا حَكِیْمًا

يُوْصِيْكُمُ : تمہیں وصیت کرتا ہے اللّٰهُ : اللہ فِيْٓ : میں اَوْلَادِكُمْ : تمہاری اولاد لِلذَّكَرِ : مرد کو مِثْلُ : مانند (برابر حَظِّ : حصہ الْاُنْثَيَيْنِ : دو عورتیں فَاِنْ : پھر اگر كُنَّ : ہوں نِسَآءً : عورتیں فَوْقَ : زیادہ اثْنَتَيْنِ : دو فَلَھُنَّ : تو ان کے لیے ثُلُثَا : دوتہائی مَا تَرَكَ : جو چھوڑا (ترکہ) وَاِنْ : اور اگر كَانَتْ : ہو وَاحِدَةً : ایک فَلَھَا : تو اس کے لیے النِّصْفُ : نصف وَلِاَبَوَيْهِ : اور ماں باپ کے لیے لِكُلِّ وَاحِدٍ : ہر ایک کے لیے مِّنْهُمَا : ان دونوں میں سے السُّدُسُ : چھٹا حصہ 1/2) مِمَّا : اس سے جو تَرَكَ : چھوڑا (ترکہ) اِنْ كَانَ : اگر ہو لَهٗ وَلَدٌ : اس کی اولاد فَاِنْ : پھر اگر لَّمْ يَكُنْ : نہ ہو لَّهٗ وَلَدٌ : اس کی اولاد وَّوَرِثَهٗٓ : اور اس کے وارث ہوں اَبَوٰهُ : ماں باپ فَلِاُمِّهِ : تو اس کی ماں کا الثُّلُثُ : تہائی (1/3) فَاِنْ : پھر اگر كَانَ لَهٗٓ : اس کے ہوں اِخْوَةٌ : کئی بہن بھائی فَلِاُمِّهِ : تو اس کی ماں کا السُّدُسُ : چھٹا (1/6) مِنْۢ بَعْدِ : سے بعد وَصِيَّةٍ : وصیت يُّوْصِيْ بِھَآ : اس کی وصیت کی ہو اَوْ دَيْنٍ : یا قرض اٰبَآؤُكُمْ : تمہارے باپ وَاَبْنَآؤُكُمْ : اور تمہارے بیٹے لَا تَدْرُوْنَ : تم کو نہیں معلوم اَيُّھُمْ : ان میں سے کون اَقْرَبُ لَكُمْ : نزدیک تر تمہارے لیے نَفْعًا : نفع فَرِيْضَةً : حصہ مقرر کیا ہوا مِّنَ اللّٰهِ : اللہ کا اِنَّ اللّٰهَ : بیشک اللہ كَانَ : ہے عَلِيْمًا : جاننے والا حَكِيْمًا : حکمت والا

تمہاری اولاد کے بارے میں اللہ تمہیں حکم دیتا ہے کہ لڑکے کے لیے دو لڑکیوں کے برابر حصہ ہو ، پھر اگر ایسا ہو کہ لڑکیاں دو سے زیادہ ہوں تو ترکے میں ان کا حصہ دو تہائی ہے اور اکیلی ہو تو اس کو آدھا ملے گا اور میت کے ماں باپ میں سے ہر ایک کو ترکے کا چھٹا حصہ ملے گا لیکن یہ اس صورت میں ہے کہ میت کے اولاد ہو ، اگر اولاد نہ ہو اور وارث صرف ماں باپ ہی ہوں تو ماں کیلئے تہائی ہے ، اگر میت کے ایک یا زیادہ بھائی بہنیں بھی ہوں تو ماں کا چھٹا حصہ ہوگا ، ہاں ! یاد رہے کہ میت نے جو کچھ وصیت کردی ہو جو کچھ اس پر قرض رہ گیا ہو اس کی تعمیل اور ادائیگی کے بعد یہ حصے تقسیم ہوں گے ، دیکھو تمہارے باپ دادا بھی ہیں اور تمہاری اولاد بھی ہے ، تم نہیں جانتے نفع رسانی کے لحاظ سے کونسا رشتہ تم سے زیادہ قریب ہے ، اللہ نے حصے ٹھہرا دیئے ہیں اور وہ جاننے والا حکمت رکھنے والا ہے

میت کے جب کوئی لڑکا نہ ہو اور لڑکیاں دو سے زیادہ ہوں یا صرف ایک لڑکی ہو تو اس کا حکم : 28: پھر اگر ایسا ہو کہ مرنے والے کے ہاں کوئی لڑکا موجود نہ ہو اور لڑکیاں دو یا دو سے زیادہ ہوں تو ان سب لڑکیوں کو 2/3 حصہ ملے گا اور باقی 1/3 دوسرے وارثوں میں تقسیم ہوجائے گا اور اگر لڑکی صرف ایک ہے اور کوئی اولاد نہیں ہے تو اس لڑکی کو 1/2 دوسرے وارثوں میں تقسیم ہوجائے گا اور اس بات پر بھی پوری امت کا اجماع ہے کہ اگر لڑکا ایک ہوا تو وہ پوری جائیداد کا وارث ہوجائے گا بشرطیکہ کوئی دوسرا وارث موجود نہ ہو اگر دوسرے وارث بھی ہوں گے تو ان کا حصہ ادا کر کے باقی سارا مال لڑکا لے جائے گا۔ بلاشبہ قرآن کریم میں ” فوق اثنتین “ کے الفاظ آئے ہیں کہ اگر لڑکیاں دو سے زائد ہوں تو ان کے لیے 2/3 ہوگا لیکن دو کا حکم تو اس سے واضح نہیں ہوتا ؟ احادیث میں اس کی وضاحت موجود ہے کہ دو کا حکم بھی دو سے زائد کے اندر مو ود ہے اس لیے کہ رسول اللہ ﷺ نے خود اس طرح فیصلہ فرمایا ہے۔ چناچہ حدیث میں ہے کہ : ” جابر ؓ سے روایت ہے کہ وہ فرماتے تھے کہ ایک دفعہ رسول اللہ ﷺ کے ہمراہ باہر نکلے کہ ہمارا گزر سواف میں ایک جگہ سے ہوا۔ ہم نے دیکھا کہ ایک انصاری عورت اپنی دو لڑکیوں کو لے کر سامنے آئی اور کہنے لگی اے اللہ کے رسول ﷺ ! یہ دونوں لڑکیاں میرے شوہر کی ہیں جو آپ ﷺ کے ساتھ غزوہ احد میں شریک ہوئے تھے اور اس میدان میں شہید ہوگئے تھے۔ ان لڑکیوں کا چچا ان کے پورے مال پر قابض ہوگیا ہے اور ان کے لیے کچھ باقی نہیں رکھا۔ اس معاملہ میں آپ ﷺ کا کیا حکم ہے ؟ اللہ کی قسم ! اگر ان لڑکیوں کے پاس مال نہ ہوگا تو کل کوئی ان کو نکاح میں بھی لینے کے لیے تیار نہیں ہوگا۔ رسول اللہ ﷺ نے اس کی یہ بات سنی اور صرف اتنا فرمایا کہ اللہ تعالیٰ تمہارا کوئی فیصلہ فرما دے گا۔ حضرت جابر ؓ کہتے ہیں کہ پھر جب سورة النساء کی یہ آیت نازل ہوئی ” یُوْصِیْکُمُ اللّٰہُ فِیْ اَوْلَادِکُمْ “ الخ تو رسول اللہ ﷺ نے فرمایا کہ اس عورت اور اس کے دیور یعنی لڑکیوں کے اس چچا کو جس نے پوری جائیداد پر قبضہ کر رکھا ہے بلاؤ ۔ وہ حاضر ہوگئے تو آپ ﷺ نے لڑکیوں کے چچا سے فرمایا کہ لڑکیوں کو کل مال کا 2/3 حصہ دو اور ان کی والدہ کو آٹھواں حصہ اور اس کے بعد جو بچے وہ تم خود رکھ لو۔ “ چنانچہ اس حدیث کی روشنی میں بےجھجک یہ کہا جاسکتا ہے کہ جو حکم دو سے اوپر کی لڑکیوں کا ہے وہی حکم دو کا ہے کیونکہ خود رسول اللہ ﷺ نے دو لڑکیوں کو 2/3 دلوا دیا اس طرح دو کا بھی وہی حکم ہوا جو دو سے زائد کا ہے ہاں ! دو سے زائد خواہ وہ کتنی ہوں گی ان میں یہی حصہ برابر برابر تقسیم کردیا جائے گا۔ میت کے اولاد بھی ہو اور اس کے ماں باپ بھی ہوں تو اس کا حکم : 29: اگر مرنے والے کی اولاد یا اولاد در اولاد موجود ہو اور اس کے ساتھ مرنے والے کے ماں باپ یا ماں باپ کے ماں باپ مو ود ہوں تو ماں باپ میں سے ہر ایک کو ترکہ کا 1/2 حصہ ملے گا اور باقی 2/3 دوسرے ورثا میں ان کے حصص کے مطابق تقسیم ہوگا۔ یہاں ایک بات اچھی طرح سمجھ لیں کہ ذوی الفروض یعنی وہ وارث جن کے حصے قرآن کریم اور احادیث میں مقرر کردیے گئے ہیں وہ کل تیرہ اشخاص ہیں (1) باپ (2) دادا (3) اخیافی بھائی یعنی وہ بھائی جو صرف ماں کی طرف سے بھلائی ہو یا ہوں (4) اخیافی بہن یعنی وہ جو صرف ماں باپ کی طرف سے جو بہن ہو یا ہوں (10) علاقائی بہن یعنی صرف باپ کی طرف سے جو بہن ہو یا ہوں (11) والدہ (12) وادی (13) نانی۔ ان سب کے لیے شریعت میں مقرر و معین کردہ حصے ہیں اور وہ حصے جو قرآن کریم اور احادیث میں معین و مقرر ہیں وہ اس طرح ہیں 1/2 ، 1/4 ، 1/8 اور 2/3 ، 1/3 اور 1/6 ۔ شش بود فرض مقدر در کتاب عزیز نصف وربع و ثمن باللہ ثلث و ثلثان سدس نیز شاید آپ کو خیال ہوگا کہ یہ تیرہ اشخاص جن کا اوپر ذکر کیا گیا ان میں بیٹے کا تو کوئی ذکر ہی نہیں وہ کہاں چلا گیا ؟ حالانکہ وہ تو سارے رشتوں سے زیادہ قریب اور سارے ورثاء سے زیادہ اہم وارث ہے ؟ بالکل وہ سارے وارثوں سے زیادہ اہم وارث ہے اس لئے اس کا ذکر نہیں کیا گیا۔ ان سارے ورثاء میں سے جن کا ذکر کیا گیا ہے ان کے حصص مقرر ہیں اور بیٹے کا کوئی حصہ مقرر نہیں ہے۔ اس لئے یہاں ان ہی ورثا کا ذکر ہے جن کے حصص مقرر ہیں اگرچہ ہو حصص کم و پیش ہوتے رہیں۔ ان ورثا میں سے کوئی وراث ایسا نہیں ہے کہ اگر وہ اکیلا ہو تو مرنے والے کی ساری میراث کا وارث ہوجائے لیکن بیٹا ایک ایسا وارث ہے کہ اگر وہ صرف اکیلا ہو اور دوسرا کوئی وارث بھی موجود نہ ہو تو ساری میراث کا حق دار ہے۔ ایسا کیوں ہے ؟ اس لئے کہ اس کا حصہ مقرر نہیں۔ لیکن اس کے برعکس لڑکی کا حصہ مقرر ہے جو کم و پیش رتو ہو سکتا ہے لیکن لڑکی اکیلی بھی ساری میراث کی وارث نہیں ہو سکتی۔ کیوں ؟ اس لئے کہ اس کا حصہ مقرر ہے۔ اب سمجھ میں آگیا کہ ان وارثوں میں لڑکے کا کیوں ذکر نہیں کیا گیا ؟ پھر ان سب حصوں کی مختلف حالتیں ہیں جو بدلتی رہتی ہیں۔ میت کے کوئی اولاد نہ ہو لیکن اس کے ماں باپ موجود ہوں تو ان کا حکم : 30: ماں باپ کے سوا کوئی اور وارث موجود نہ ہو تو ماں کو 1/3 ملے گا اور باقی 2/3 باپ کو ملے گا بشر طی کہ مرنے والے کو کوئی دوسرا وارث موجود نہ ہو۔ لیکن اگر مرنے والے کے بھائی ہوں یا ہو یا بہنیں ہوں یا ہو یا بہنیں اور بھائی ہوں کو ہر حال میں ماں کو 1/6 ہی ملے گا اور باقی ماں کے حصہ میں سے جو 1/6 واپس لیا گیا وہ بھی مرنے والے کے باپ ہی کے حصہ میں چلا جائے گا اور بہن بھائی ایک ہیں یا زیادہ سب محروم ہوں گے ان کو کچھ نہیں ملے گا۔ اس لئے کہ والدین کی موجودگی میں بہن بھائی کا کوئی حصہ نہیں ہے۔ اس طرح والدین کی گویا تین حالتیں ذکر کردی گئیں۔ اول یہ کہ ماں اور باپ دونوں زندہ ہوں اور مرنے والے کی اولاد بھی ہو ایک یا ایک سے زیادہ خواہ کتنی اس حالت میں ماں اور باپ دونوں کو چھٹا چھٹا حصہ ملے گا اور باقی حصہ دوسرے ورثا میں تقسیم ہوجائے گا یعنی اولاد اور بیوی یا شوہر لے لیں گے اور بعض حالتوں میں اگر پھر بھی کچھ بچ گیا تو وہ پھر والد کو مل جائے گا جو اس کے مقررہ چھٹے حصے سے زائد ہوگا علم فرائض کی اصطلاح میں اس طرح کے حق کو حق تعصیب کہتے ہیں۔ والدین کی دوسری حالت یہ بتائی ہے کہ مرنے والے کے اولاد اور بھائی بہن نہ ہوں لیکن ماں باپ موجود ہوں تو اس صورت میں مال موردث کا 1/3 ماں کو اور باقی دو تہائی 2/3 والد کو مل جائے گا اور یہ اس صورت میں ہے جب کہ مرنے والے کے ورثہ میں اس کا شوہر یا اس کی بیوی بھی موجود نہ ہو اگر شوہر یا بیوی موجود ہے تو سب سے پہلے ان کا حصہ الگ کیا جائے گا اور باقی 1/3 والدہ کو اور 2/3 والد کو ملے گا۔ والدین کی تیسری صورت یہ ہے کہ مرنے والے کی اولاد تو نہ ہو لیک بھائی بہن ہوں جن کی تعداد ایک ، دو یا دو سے زیادہ خواہ کتنی ہو صرف بھائی ہوں یا بھائی بہنیں ہوں یا فقط بہنیں ہوں۔ ہر حال میں لاں کو 1/6 ملے گا 1/3 نہیں ملے گا اور اگر کوئی دوسرا وارث نہیں تو باقی 5/6 حصہ باپ کو مل جائے گا۔ اس طرح گویا بھائیوں بہنوں کی موجودگی میں ماں کا حصہ تو کم ہوگیا لیکن بھائی بہن کو کچھ نہیں ملے گا کیونکہ باپ بہ نسبت بھائی بہن کے قریب ہے اس سے جو بچے گا وہ باپ کو مل جائے گا۔ ” فرائض “ کی اصطلاح میں اس کی حجب نقصان کہتے ہیں اور یہ بہن بھائی جن کی وجہ سے والدہ کا حصہ کم ہوگیا ہے خواہ مرنے والے کے حقیقی ہوں۔ خواہ باپ شریک ہوں خواہ ماں شریک ہوں ہر صورت میں ان کی موجودگی میں ماں کا حصہ کم ہوجائے گا یعنی 1/6 ہوجائے گا۔ اس طرح یہ بات بھی واضح ہوگئی کہ ماں باپ کا حصہ 1/6 سے کم نہیں ج ہو سکتا اور ماں باپ کسی صورت میں محروم بھی نہیں ہو سکتے ہاں ماں باپ کا حصہ 1/6 سے بڑھ سکتا ہے اور بڑھنے کی صورت میں ماں کو 1/3 مل سکتا ہے اس سے زیادہ نہیں اور باپ بعض اوقات سارا بھی لے سکتا ہے اور بعض اوقات 1/6 سے زیادہ بھی لیکن اس زیادتی کی کوئی حد مقرر نہیں حتیٰ کہ وہ سب بھی لے جاسکتا ہے۔ اس طرح گویا والدین کے حصہ کی حالتیں مختلف صورتوں میں بدلتی رہتی ہیں۔ میراث کے تقسیم کرنے سے پہلے مرنے والے کی وصیت اور قرض ادا کرنا ضروری ہے : 31: فرمایا کہ مرنے والے کی میراث تقسیم کرنے سے پہلے شریعت اسلامی کا اصول یہ ہے کہ میت کے مال سے شریعت کے مطابق اس کے کفن و دفن کے اخراجات پورے کئے جائیں جن میں نہ فضول خرچی ہو اور نہ کنجوسی۔ اس کے بعد اس کے قرض ادا کئے جائیں اگر کوئی ہوں۔ لیکن اگر قرض اتنے ہوں کہ اس کا سارا مال ان میں لگ جائے یا اس سے بھی زیادہ تو نہ کسی کو میراث ملے گی اور نہ کوئی وصیت پوری کی جائے گی اور تصور یہ ہوگا کہ مرنے والے نے کوئی مال نہیں چھوڑا اس لئے کہ وہ سب کا سب اس کے قرضوں میں چال گیا۔ ہاں ! اگر قرض کی ادائیگی کے بعد مال بچ رہے یا کوئی قرض موجود ہی نہ ہو تو جو اس نے وصیت کی ہے بشرطیکہ وہ وصیت کسی طرح کی معصیت میں نہ ہو تو جو مال موجود ہے اس کے تیسرے حصے پر اس کی وصیت نافذ ہوجائے گی۔ اگر کوئی شخص پورے مال کی وصیت کر جائے تو بھی تہائی مال ہی میں وصیت معتبر ہوگی۔ تہائی مال سے زیادہ میں وصیت کرنا درست ہی نہیں اور اگر کوئی کر دے تو اس کو پورا بھی نہیں کیا جاسکتا اور وارثوں کو محروم کرنے کے لئے پورے مال کی وصیت کر جانا گناہ بھی ہے۔ گویا قرض ادا کرنے کے بعد ایک تہائی میں وصیت نافذ کر کے باقی شرعی وارثوں میں تقسیم کردیا جائے گا۔ تفصیلات اس کی فرائض کی کتابوں میں موجود ہیں۔ اس جگہ یہ یاد رکھنا چاہئے کہ کفن وہ ہے جو میت کو شریعت کے مطابق نہلا دھلا کر پہنایا جاتا ہے اور اس کفن سے زیادہ لینا کسی صورت بھی جائز نہیں ہے جیسے کفن کے ساتھ جائے نماز وغیرہ بنانے کا رواج ہے اور اس طرح قبر کے اندر مزید اشیاء کا استعمال خواہ وہ جائے نماز ہو یا صف یا روئی یا کوئی اور چیز۔ یہ سب بدعت ہونے کے علاوہ اس لئے بھی ناجائز ہیں کہ یہ مال شرعی تجہیز و تکفین سے زائد ہونے کی وجہ سے ترکہ میں داخل ہیں جس کے احکام نہایت سخت اور اس میں احتیاط کی نہایت تاکید کی گئی ہے اور اس کی اہمیت اوپر ذکر کردی گئی ہے۔ اس طرح میت کو ایصال ثواب کے لئے یہ ترکہ میں سے جو مال خرچ کیا جاتا ہے اس میں بھی بہت بڑی قباحتیں ہیں کیونکہ مرنے والے کا مال دراصل اس کے مرنے کے ساتھ ہی لاک ہوجاتا ہے وہ کم ہو یا زیادہ۔ پھر اس میں پوری احتیاط کے ساتھ صرف بقدر شرعی تجہیز و تکفین ہی لیا جاسکتا ہے باقی پھر لاک جب تک سارے ورثاء میں ان کے حصص کے مطابق تقسیم نہ ہوجائے اس کا معمولی حصہ بھی استعمال نہیں ہو سکتا مثلاً اگر یہ لاکھوں اور کروڑوں روپے ہوں تو ان میں سے ایک پیسہ بھی نہیں استعمال کیا جاسکتا۔ پھر مرنے والے کے ورثاء میں یتیم ، مسکین بھی ہو سکتے ہیں اور ان کے مال میں سے ایک پیسہ بھی ادھر ادھر کرنا حرام بلکہ دوزخ کی آگ کے انگاروں سے کم نہیں ہے اور یہ مال جو مرنے والا چھوڑ گیا ہے کسی حال میں بھی اس کا نہیں بلکہ اس کے ورثاء کا ہے اور ورثاء میں سے کوئی بھی استعمال نہیں کرسکتا جب تک لاک نہ کھلے اور لاک تب ہی کھلے گا جب اس کی تقسیم ہوگی کیونکہ اسی غرض سے وہ لاک ہوا ہے ورنہ بظاہر اس پر کوئی تالا نہیں پڑگیا۔ یہ شریعت اسلامی کا تالا ہے اور شریعت ہی کی چابی سے کھل سکتا ہے اگر اس کے بغیر کوئی بھی اس کو کھولے گا تو وہ شرعی مجرم قرار پائے گا ایسے مجرموں کی سزا قرآن کریم نے واضح کردی ہے۔ وصیت کے متعلق تفصیلی بحث عروۃ الوثقیٰ جلد اول سورة بقرہ آیت 180 کے تحت حاشیہ 309 میں گزر چکی ہے وہاں سے ملاحظہ فرما لیں۔ دنیا کے سارے نادان دانشمندوں کے سوال کا الٰہی جواب : 32 : نادان دانشمند کون ہے ؟ وہی جو اپنی نادانی کو سمجھنے کی کوشش نہیں کرتا اور یہ کوشش صرف اس لئے نہیں کہ وہ اپنے آپ کو دانشمند سمجھ کر قانون کی خلاف ورزی کرتا ہے وہ نادان نہیں تو اور کیا ہے ؟ پھر قانون کی خلاف ورزی کی دو صورتیں ہیں ایک یہ کہ قانون کہ قانون سمجھتے ہوئے اس کے خلاف کرنا اور دوسرے یہ کہ کسی قانون کو قانون ہی نہ سمجھنا۔ اس طرح پہلا قانونی چور ہے اور دوسرا قانونی ڈاکو۔ یہ سب جانتے ہیں کہ چور سے ڈاکو ایسا ہی ہے جیسے بد سے بد تر پھر بد سے بد تر جتنا زیادہ برا ہوتا ہے اتنی ہی اس کی سزا بھی سخت ہوتی ہے۔ قرآن کریم نے ارشاد فرمایا کہ ” دیکھو تمہارے باپ دادا بھی ہیں اور تمہاری اولاد بھی۔ تم نہیں جانتے کہ نفع رسانی کے لحاظ سے کونسا رشتہ تم سے زیادہ نزدیک تر ہے ؟ “ مطلب واضح ہے کہ اللہ نے جو حصے مقرر کئے ہیں ان میں بڑی حکمتیں ہیں اگر تمہاری رائے پر تقسیم میراث کا قصہ رکھا جاتا تو تقسیم تم لوگ نفع رساں ہونے کو بناتے لیکن نفع رساں کون ہوگا ؟ اور پھر سب سے زیادہ نفع کس سے پہنچ سکتا ہے ؟ اس کا یقینی علم حاصل کرنا تمہارے بس کی روگ نہیں ہے ؟ اس لئے علم الٰہی میں بجائے نفع و ضرر کے اقربیت کو مداد حکم بنایا ہے۔ لیکن ان نادان دانشمندوں کی اتنی قسمیں ہیں کہ ان کو گناہی نہیں جاسکتا۔ کیونکہ یہ خواہش کے بندے ہیں اور خواہشیں اتنی ہیں کہ ان کا احصا ممکن ہی نہیں کیونکہ یہ وقت کے ساتھ ساتھ ہر آن بدلتی رہتی ہیں اور جتنی پوری ہوتی ہیں ان سے کئی گنائنی پیدا ہوجاتی ہیں۔ تا ہم ان میں کچھ ایسے ہیں کہ ان کو ان کی نادانی جس کو وہ دانش سمجھتے ہیں مجبور کرتی ہے کہ یہ لڑکوں کے ساتھ لڑکیوں کا حصہ کیوں ؟ یہ تو بیگانہ مال ہوتی ہیں پھر ان کو جہیز جو دے دیا جاتا ہے وہ ان کا حصہ ہی ہوتا ہے بلکہ اس سے بھی زیادہ اس طرح یہ اپنی نادانی کے باعث لڑکوں کو اور لڑکیوں کو بیگانہ اور پھر اس نادانی کو دانش سمجھ کر سینکڑوں پاپڑ بیلتے ہیں کہ یہ جائیداد کسی نہ کسی طرح لڑکوں کے نام ہوجائے۔ گویا اللہ نے یہ فیصلہ فرما کر کوئی نہایت ہی نادانی کا حکم دے دیا ہے اور ان دانشمندوں کی دانش اس کو قبول کرنے کے لئے تیار نہیں۔ غور کرو یہ نادان ہیں یا دانش مند ؟ ہیں تو نادان لیکن نادانی کو تسلیم نہیں کرتے اس لئے میں ان کو نادان دانشمند کہتا ہوں۔ اگر آپ ان کو شمار کرنا چاہیں تو نہیں کرسکیں گے۔ اس لئے کہ اس ملک میں جتنے چھوٹے بڑے زمیندار ہیں سب اس دانش کے مارے ہوئے ہیں۔ پھر ان میں مذہبی راہنما یعنی زمرئہ علما کے لوگ بھی ہیں پیرو پیشو بھی ہیں۔ قاضی اور مفتی بھی ہیں۔ گدی نشین اور سجادہ نشین بھی ہیں اور سیاسی لیڈر و راہنما بھی۔ ان نادان دانشمندوں میں ایسے بھی ہیں جو کہتے ہیں کہ بیٹا اور پوتا دونوں ایک ہی اصل اور نسب سے ہیں۔ زندگی اور موت اللہ کے قبضے میں ہے۔ جب اس نے یہ اصول نہیں بنایا کہ ہر باپ پہلے مرے اور بیٹا بعد تو پھر ایسا کیوں ہوا کہ ایک باپ کی موجودگی میں اگر اس کا بیٹا مر گیا تو اس متوفی بیٹے کی اولاد اپنے چچوں اور پھوپھیوں کے ساتھ اپنے دادا کی میراث میں کیوں شریک نہ ہو ؟ اس لئے اس قریب کی وجہ سے بعید پر ظلم ہوگیا لہٰذا یہ بات صحیح نہیں کہ قریب بعید کو محروم کرتا ہے گویا اللہ نے یہ نادانی کا حکم دیا ہے اور ان دانش مندوں کو دانش اس کو قبول کرنے لے لئے تیار نہیں لہٰذا قانون میں ترمیم کرو اور پوتے کو بیٹے کا قائم مقام بنا کر جائیداد میں شریک ٹھہرائو کہ یہی بات دانشمندی کی ہے۔ ان کو کان سمجھائے کہ اے نادان دانشمند ! تمہیں تو صرف ایک پوتے کا غم کھائے جاتا ہے حالانکہ اللہ اور اس کے رسول نے صرف ایک پوتے ہی کا نہیں بلکہ دوسرے کمزور اعزہ و اقرباء کا بندوست پہلے فرما دیا ہے اور جائیداد کو ہاتھ بعد میں لگانے دیا ہے ذرا آنکھیں کھولو اور اللہ کے حکم کو اپنی نادانی کی بھینٹ مت چڑھائو۔ یہ 1/3 حصہ کی حد تک جو تم کو وصیت کو حکم دیا ہے یہ کیوں دیا ہے ؟ یہ وصیت کا قاعدہ اس لئے مقرر گیا گیا ہے کہ قانون وارثت کی رو سے جن عزیزوں کو میراث میں سے نہیں پہنچتا ان میں سے جس کو یا جس جس کو آدمی مدد کا مستحق پاتا ہے اس کے یہ اپنے اختیار تمیزی سے حصہ مقرر کر دے مثلاً کوئی یتیم پوتا یا پوتی موجود ہے یا کسی ہیٹے کی بیوی مصیبت کے دن کاٹ رہی ہے یا کوئی بھائی ، بہن ، بھاوج ، بھتیجا ، بھتیجی ، بھانجا ، بھانجی ، اور کوئی عزیز ایسا ہے جو سہارے کا محتاج نظر آتا ہے تو اس کے حق میں وصیت کے ذریعہ سے حصہ مقرر کیا جاسکتا ہے اللہ کے حکم پر حرف گیری کرنے کی بجائے آخر تم انسانیت سیکھنے کی کوشش کیوں نہیں کرتے تم تو مسلمان ہو اور مسلمان تب ہی مسلمان ہوتا ہے جب وہ پہلے انسانیت کو سمجھے اور انسانیت کے دارئرہ کے اندر داخل ہو۔ تم عجبب انسان ہو کہ قانون کے ڈنڈے سے بھی گریزاں ہو اور اختیار استعمال کرنے سے بھی الرجک ہو۔ تم صرف ایک پوتے پوتے کا شور مچاتے ہو اور اللہ نے تم کو ایسے سارے غموں کا علاج مرحمت فرمایا ہے اس سے فائدہ حاصل نہیں کرتے تاکہ تمہارے سارے غموں کا مداوا ہوجائے۔ اگر تمہارے اعزہ و اقرباء میں کوئی مستحق نہیں ہے کوئی یتیم پوتا پڑ پوتا ، دوہتی دوہتا بھی نہیں ہے بھائی اور بہن بھی نہیں ہے تو مستحقین کے لئے کسی راہ عامہ کے کام میں صرف کرنے کے لئے وصیت کی جاسکتی ہے۔ مختصر یہ کہ آدمی کی کل ملکیت میں سے 2/3 یا اس سے کچھ زائد کے متعلق شریعت نے میراث کا ضابطہ مقرر فرما دیا جس میں سے شریعت کے نامزد کردہ وارثوں کو مقرر حصہ ملے گا اور 1/3 یا اس سے کچھ کم خود اس کی صوابدید پر چھوڑ دیا ہے کہ اپنے مخصوص خاندانی حالات کے لحاظ سے جو ظاہر ہے کہ ہر آدمی کے حالات کے مطابق مختلف ہوں گے جس طرح مناسب سمجھے تقسیم کرنے کی وصیت کر دے۔ پھر اگر کوئی شخص اپنی وصیت میں ظلم کرے یا بالفاظ دیگر اپنے اختیاط تمیزی کو غلط طور پر اس طرح استعمال کرے جس سے کسی کے جائز حقوق متاثر ہوتے ہوں تو اس کے لئے یہ چارہ کار رکھ دیا گیا ہے کہ خاندان کے لوگ باہمی رضا مندی سے اس کی اصلاح کرلیں یا شرعی عدالت سے مداخلت کی درخواست کی جائے تاکہ وہ اس وصیت کو درست کر دے۔ اللہ نے کتنی وسعت رکھی تھی لیکن تم نے اس ساری وسعت کہ اپنی نادانی کی وجہ سے اس سے فائدہ حاصل کرنے کی کوشش کی نہ تعلیم دی تاکہ معاشرہ اسلامی کی تعمیر و ترقی ہو ان کا اللہ کے حکم کو تنقید کر نشانہ بنا کر اللہ کو نادان اور اپنے آپ کو دانش مند ثابت کرنے کی ناروا کوشش میں مصروف ہوگئے اور یاد رکھو کہ اس طرح تم کبھی دانشمند نہیں ہو سکتے۔ انسان کی عزت پر ہاتھ ڈالنے والا نادان ہوتا ہے اور پھر جو اللہ کی عزت پر ہاتھ ڈالنے کی کوشش کرے وہ دانشمند کیسے ہو سکتا ہے ؟ ہاں ! اس کے لئے کوئی رعایت ہو سکتی ہے تو صرف اور صرف یہی ہو سکتی ہے کہ اس کو ناندان دانشمند کہہ دیا جائے۔ کیونکہ حقیقت میں وہ نادان ہے اور اپنی نادانی کو تسلیم بھی نہیں کرتا تو جھگڑا ختم کرنے کے لئے ہی اس کو نادان دانشمند ہی کہہ سکتا ہوں۔ فرمایا کہ ” اللہ نے حصے ٹھہرا دیئے ہیں اور وہ جاننے والا اور حکمت رکھنے والا ہے۔ “ قرآن کریم کے اس حکم نے بتا دیا کہ میراث کے جو حصے اللہ تعالیٰ نے مقرر کئے ہیں وہ اس کا طے شدہ حکم ہے اس میں کسی کو رائے زنی یا کمی پیشی کا حق نہیں اور تمہیں پورے اطمینان قلب کے ساتھ اسے قبول کرنا چاہئے۔ تمہارے خالق ومالک کا یہ حکم بہترین حکمت و مصلحت پر مبنی ہے۔ تمہارے نفع کا کوئی پہلو اس کے احاطہ علم سے باہر نہیں ہے اور جو کچھ حکم وہ کرتا ہے وہ کسی حکمت سے خالی نہیں ہوتا اس نے جو تقسیم میراث کا حکم دیا ہے وہ بھی ان ٹل اور ان مٹ ہے اور جو وصیت کا حکم فرمایا ہے وہ بھی اس کا فیصلہ شدہ ہے۔ یاد رکھو کہ تمہیں خود اپنے نفع و نقصان کی حقیقی پہچان نہیں ہو سکتی اگر تقسیم میراث کا مسئلہ صرف تم ہی پر چھوڑ دیا جاتا تو ضرور تم اپنی کم فہمی کی وجہ سے صحیح فیصلہ نہ کر پاتے اور میراث کی تقسیم میں ہمیشہ بےاعتدالی رہتی۔ اس نے جتنا حصہ تمہاری صوابدید پر چھوڑا ہے اس کا صحیح استعمال کرو اور جو حصہ خود حکما طے کردیا ہے اس کو اس حال پر رکھو اور اپنی نادان دانشمندی کا پیوند اس میں مت لگائو۔ اصلاح حال کے سارے پہلوئوں سے باخبر رہو کسی ایک معاملہ مین ہٹ دھرمی سے کام مت لو۔

Top