IntroSurah Introduction

آسان قرآن

Aasan Quran · 4. An-Nisaa · Ayah 101

  1. وَ اِذَا ضَرَبْتُمْ فِی الْاَرْضِ فَلَیْسَ عَلَیْكُمْ جُنَاحٌ اَنْ تَقْصُرُوْا مِنَ الصَّلٰوةِ١ۖۗ اِنْ خِفْتُمْ اَنْ یَّفْتِنَكُمُ الَّذِیْنَ كَفَرُوْا١ؕ اِنَّ الْكٰفِرِیْنَ كَانُوْا لَكُمْ عَدُوًّا مُّبِیْنًا﴿101﴾

    1. وَاِذَااور جب
    2. ضَرَبْتُمْتم سفر کرو
    3. فِي الْاَرْضِملک میں
    4. فَلَيْسَپس نہیں
    5. عَلَيْكُمْتم پر
    6. جُنَاحٌکوئی گناہ
    7. اَنْکہ
    8. تَقْصُرُوْاقصر کرو
    9. مِنَسے
    10. الصَّلٰوةِنماز
    11. اِنْاگر
    12. خِفْتُمْتم کو ڈر ہو
    13. اَنْکہ
    14. يَّفْتِنَكُمُتمہیں ستائیں گے
    15. الَّذِيْنَ كَفَرُوْاوہ لوگ جنہوں نے کفر کیا (کافر)
    16. اِنَّبیشک
    17. الْكٰفِرِيْنَکافر (جمع)
    18. كَانُوْاہیں
    19. لَكُمْتمہارے
    20. عَدُوًّا مُّبِيْنًادشمن کھلے
Translation · Aasan Quran
اور جب تم زمین میں سفر کرو اور تمہیں اس بات کا خوف ہو کہ کافر لوگ تمہیں پریشان کریں گے، تو تم پر اس بات میں کوئی گناہ نہیں ہے کہ تم نماز میں قصر کرلو۔ (63) یقینا کفر لوگ تمہارے کھلے دشمن ہیں۔
Tafseer · Aasan Quran

63: اللہ تعالیٰ نے سفر کی حالت میں ظہر، عصر اور عشاء کی نماز آدھی کردی ہے۔ اسے قصر کہا جاتا ہے۔ عام سفروں میں قصر ہر حالت میں واجب ہے، چاہے دشمن کا خوف ہو یا نہ ہو لیکن یہاں ایک خاص قسم کے قصر کا ذکر مقصود ہے جو دشمن کے مقابلے کے وقت ہی ہوسکتا ہے، اس میں یہ چھوٹ بھی ہوتی ہے کہ مسلمانوں کا لشکر دو حصوں میں تقسیم ہو کر ایک ہی امام کے پیچھے باری باری ایک ایک رکعت پڑھے، اور دوسری رکعت بعد میں تنہا پوری کرے جس کا طریقہ اگلی آیت میں بیان کیا گیا ہے۔

چونکہ یہ خاص قسم کا قصر جسے صلاۃ الخوف کہتے ہیں دشمن کے مقابلے کی حالت ہی میں ہوسکتا ہے، اس لیے یہاں قصر کے ساتھ یہ شرط لگائی گئی ہے کہ اگر تمہیں اس بات کا خوف ہو کہ کافر لوگ تمہیں پریشان کریں گے۔ (ابن جریر) آنحضرت ﷺ نے غزوہ ذات الرقاع کے موقع پر صلاۃ الخوف پڑھی ہے۔ اس کا مفصل طریقہ احادیث اور فقہ کی کتابوں میں موجود ہے۔