آسان قرآن
Aasan Quran · 46. Al-Ahqaf · Ayah 10
قُلْ اَرَءَیْتُمْ اِنْ كَانَ مِنْ عِنْدِ اللّٰهِ وَ كَفَرْتُمْ بِهٖ وَ شَهِدَ شَاهِدٌ مِّنْۢ بَنِیْۤ اِسْرَآءِیْلَ عَلٰى مِثْلِهٖ فَاٰمَنَ وَ اسْتَكْبَرْتُمْ١ؕ اِنَّ اللّٰهَ لَا یَهْدِی الْقَوْمَ الظّٰلِمِیْنَ۠ع﴿10﴾
- قُلْفرمادیں
- اَرَءَيْتُمْبھلا تم دیکھو تو
- اِنْ كَانَاگر ہے
- مِنْ عِنْدِ اللّٰهِاللہ کے پاس سے
- وَكَفَرْتُمْاور تم نے انکار کیا
- بِهٖاسکا
- وَشَهِدَاور گواہی دی
- شَاهِدٌایک گواہ
- مِّنْۢسے
- بَنِيْٓ اِسْرَآءِيْلَبنی اسرائیل
- عَلٰي مِثْلِهٖاس جیسی (ایک کتاب) پر
- فَاٰمَنَپھر وہ ایمان لے آیا
- وَاسْتَكْبَرْتُمْ ۭاور تم نے تکبر کیا
- اِنَّ اللّٰهَبیشک اللہ
- لَا يَهْدِيہدایت نہیں دیتا
- الْقَوْمَلوگ
- الظّٰلِمِيْنَظالم (جمع)
5: اس جملے کو اگلے جملے کے ساتھ ملاکر پڑھنا چاہیے، اور مطلب یہ ہے کہ نہ میں کوئی انوکھا پیغمبر ہوں کہ مجھ سے پہلے دوسرے پیغمبر نہ آئے ہوں، اور نہ میں کوئی ایسا غیر معمولی دعوی کررہا ہوں کہ میں عالم الغیب ہوں، کیونکہ مجھے جو کچھ علم ملا ہے، وہ وحی کے ذریعے ملا ہے، یہاں تک کہ وحی کے بغیر مجھے ذاتی طور پر یہ بھی معلوم نہیں ہوسکتا کہ دنیا اور آخرت میں میرے ساتھ یا تمہارے ساتھ کیا معاملہ ہونے والا ہے۔
یہ پیشین گوئی کی جارہی ہے کہ بنو اسرائیل میں سے کچھ یہودی اور عیسائی لوگ قرآن کریم پر ایمان لانے والے ہیں، جیسا کہ بعد میں یہودیوں میں سے حضرت عبداللہ بن سلام ؓ اور عیسائیوں میں سے حضرت عدی بن حاتم اور نجاشی ؓ ایمان لائے، اور انہوں نے گواہی دی کہ اس جیسی کتاب حضرت موسیٰ ؑ پر نازل ہوئی تھی، اور قرآن کریم بنیادی عقائد میں اسی کتاب جیسا ہے، مکہ مکرمہ کے بت پرستوں سے کہا جارہا ہے کہ جو لوگ پہلے سے آسمانی کتاب رکھتے تھے وہ تو ایمان لانے میں تم سے آگے نکل جائیں اور تم اپنے گھمنڈ میں بیٹھے رہو تو یہ کتنے ظلم کی بات ہوگی۔