آسان قرآن
Aasan Quran · 46. Al-Ahqaf · Ayah 4
قُلْ اَرَءَیْتُمْ مَّا تَدْعُوْنَ مِنْ دُوْنِ اللّٰهِ اَرُوْنِیْ مَا ذَا خَلَقُوْا مِنَ الْاَرْضِ اَمْ لَهُمْ شِرْكٌ فِی السَّمٰوٰتِ١ؕ اِیْتُوْنِیْ بِكِتٰبٍ مِّنْ قَبْلِ هٰذَاۤ اَوْ اَثٰرَةٍ مِّنْ عِلْمٍ اِنْ كُنْتُمْ صٰدِقِیْنَ﴿4﴾
- قُلْفرمادیں
- اَرَءَيْتُمْبھلا تم دیکھو
- مَّا تَدْعُوْنَجن کو تم بلاتے ہو
- مِنْ دُوْنِ اللّٰهِاللہ کے سوا
- اَرُوْنِيْدکھاؤ مجھے
- مَاذَا خَلَقُوْاکیا انہوں نے پیدا کیا
- مِنَ الْاَرْضِزمین سے
- اَمْ لَهُمْیا ان کے لئے
- شِرْكٌکچھ ساجھا
- فِي السَّمٰوٰتِ ۭآسمانوں میں
- اِيْتُوْنِيْلے آؤ میرے پاس
- بِكِتٰبٍکوئی کتاب
- مِّنْ قَبْلِ ھٰذَآاس سے پہلے
- اَوْ اَثٰرَةٍیا آثار
- مِّنْ عِلْمٍعلم سے، کی
- اِنْاگر
- كُنْتُمْ صٰدِقِيْنَتم ہو سچے
1: ان آیتوں میں یہ فرمایا گیا ہے کہ مشرکین کے پاس اپنے شرک والے عقیدوں کو ثابت کرنے کے لئے نہ کوئی عقلی دلیل ہے جو یہ ثابت کرسکے کہ جن معبودوں کو یہ پوجتے ہیں، انہوں نے اللہ تعالیٰ کی خدائی میں کوئی حصہ لیا ہے، اور نہ کوئی نقلی دلیل ہے، نقلی دلیل دو قسم کی ہوسکتی ہے ایک یہ کہ اللہ تعالیٰ کی طرف سے پہلے کوئی ایسی کتاب نازل ہوئی ہو جس میں ان معبودوں کو اللہ تعالیٰ کی خدائی میں شریک قرار دیا گیا ہو، مشرکین سے کہا جارہا ہے کہ اگر ایسی کوئی کتاب ہے تو لاکر دکھاؤ، نقلی دلیل کی دوسری صورت یہ ہوسکتی ہے کہ کسی پیغمبر نے کوئی بات کہی ہو، اور اس بات پر کوئی علمی سند موجود ہو کہ واقعی انہوں نے ایسا کہا ہے، کوئی روایت جس کی بنیاد علم پر ہو سے مراد یہی ہے خلاصہ یہ کہ مشرکین کے پاس اپنے عقیدے کے ثبوت میں نہ کوئی آسمانی کتاب ہے اور نہ کسی پیغمبر کا کوئی قول جو مستند طریقہ پر ثابت ہو۔