بصیرتِ قرآن

اور یتیم کے مال کے قریب بھی مت جائو۔ ہاں مگر ایسے طریقے سے جو نیک اور ایمان داری کا راستہ ہو۔ یہاں تک کہ وہ اپنے سن تمیز کو پہنچ جائے ( یعنی بالغ ہوجائے) ۔ (7) اور کانٹے اور ترازو (ماپ تول ) کو انصاف سے سیدھا رکھو۔ ہم کسی انسان کو اس کی طاقت سے بڑھ کر تکلیف نہیں دیتے۔ (8) اور جب بات کہو تو انصاف کی کہو ‘ خواہ وہ شخص رشتہ دار ہی کیوں نہ ہو۔ (9) اور اللہ سے کئے ہوئے عہد کو پورا کرو۔ اللہ نے یہ تاکیدی احکامات تمہیں دیئے ہیں تاکہ تم دھیان دو ۔