تفسیر بیان القرآن
Bayan-ul-Quran · 18. Al-Kahf · Ayah 35
Tafseerوَ دَخَلَ جَنَّتَهٗ وَ هُوَ ظَالِمٌ لِّنَفْسِهٖ١ۚ قَالَ مَاۤ اَظُنُّ اَنْ تَبِیْدَ هٰذِهٖۤ اَبَدًاۙ﴿35﴾
- وَدَخَلَاور وہ داخل ہوا
- جَنَّتَهٗاپنا باغ
- وَهُوَاور وہ
- ظَالِمٌظلم کر رہا تھا
- لِّنَفْسِهٖاپنی جان پر
- قَالَوہ بولا
- مَآ اَظُنُّمیں گمان نہیں کرتا
- اَنْکہ
- تَبِيْدَبرباد ہوگا
- هٰذِهٖٓیہ
- اَبَدًاکبھی
Translation · Bayan-ul-Quran
اور وہ داخل ہوا اپنے باغ میں اس حال میں کہ وہ اپنی جان پر ظلم کر رہا تھا اس نے کہا میں نہیں سمجھتا کہ یہ (باغ) کبھی بھی برباد ہوسکتا ہے
Tafseer · Bayan-ul-Quran
قَالَ مَآ اَظُنُّ اَنْ تَبِيْدَ هٰذِهٖٓ اَبَدًا
یعنی میرا یہ باغ ہر لحاظ سے مثالی ہے۔ اسے میں نے باقاعدہ منصوبہ بندی کے تحت ہر قسم کے خطرات سے محفوظ بنا رکھا ہے۔ انگوروں کی نازک بیلوں کے گردا گرد کھجوروں کے بلند وبالا درخت سنتریوں کی طرح کھڑے ہر قسم کے طوفان اور باد صرصر کے تھپیڑوں سے اس کی حفاظت کر رہے ہیں۔ آب پاشی کے لیے نہر کا وافر پانی ہر وقت موجود ہے۔ لہٰذا میں نہیں سمجھتا کہ اسے کبھی کسی قسم کا کوئی خطرہ لاحق ہوسکتا ہے۔