تفسیر درِ منثور

31۔ الحاکم نے وہب (رح) سے روایت کیا کہ یونس (علیہ السلام) کے اخلاق میں کچھ تنگی تھی۔ جب ان پر نبوت کا بوجھ ڈالا گیا۔ تو اس کے سبب آپ پہلونٹے او ونٹ کی طرح پھٹ گئے۔ چناچہ اسے ہاتھ سے پھینک دیا اور بھاگ گئے تو اللہ تعالیٰ نے اپنے نبی اکرم ﷺ سے فرمایا آیت ولاتکن کصاحب الحوت اذا نادیٰ وہو مکظوم اور مچھلی والے کی طرح نہ ہوجائیے جبکہ اس نے اپنے رب کو پکارا اور وہ بہت ہی غمگین تھا۔ 32۔ ابن المنذر وابن ابی حاتم نے ابن عباس ؓ سے روایت کیا کہ آیت وہو مکظوم یعنی وہ مغموم تھا آیت وہو مذموم اور وہ ملامت کیے گئے تھے۔ 33۔ عبد بن حمید نے مجاہد (رح) سے روایت کیا کہ آیت وہو مکظوم یعنی وہ مغموم تھا۔