تفسیر درِ منثور

Dure-Mansoor · 86. At-Taariq · Ayah 11

Tafseer
  1. وَ السَّمَآءِ ذَاتِ الرَّجْعِۙ﴿11﴾

    1. وَالسَّمَآءِقسم آسمان کی
    2. ذَاتِ الرَّجْعِبارش والا
Translation · Dure-Mansoor
قسم ہے آسمان کی جس سے بارش ہوتی ہے
Tafseer · Dure-Mansoor
1۔ عبدالرزاق والفریابی وعبد بن حمید والبخاری فی تاریخہ وابن جریر وابن المنذر وابن ابی حاتم والحاکم وصححہ وابن مردویہ نے ابن عباس ؓ سے روایت کیا کہ آیت والسماء ذات الرجع قسم ہے آسمان بارش والے کی یعنی ایک بارش کے بعد دوسری بارش آیت والارض ذات الصدع قسم ہے زمین کی جو پھت جای ہے یعنی نباتات سے زمین کا پھٹنا ہے۔ 2۔ عبد بن حمید نے سعید بن جبیر، عکرمہ، ابو مالک، ابن ابزی اور ربیع بن انس رحمہم اللہ سے اسی طرح روایت کیا۔ 3۔ عبد بن حمید نے مجاہد (رح) سے روایت کیا کہ آیت والسماء ذات الرجع سے مراد وہ بادل ہے جو بارش برساتا ہے۔ پھر بارش کے ساتھ لوٹتا ہے آیت والارض ذات الصدع سے مراد ہے وادیوں کے علاوہ تنگ مقامات اور دریا کے کھوکھلے کنارے۔ 4۔ عبد بن حمید نے عطاء (رح) سے روایت کیا کہ آیت والسماء ذات الرجع یعنی قسم ہے آسمان کی جو ہر سال بارش کے ساتھ لوٹتا ہے۔ آیت والارض ذات الصدع۔ اور زمین کی جو نباتات کے ساتھ ہر سال پھٹ جاتی ہے۔