تفسیر درِ منثور

Dure-Mansoor · 92. Al-Lail · Ayah 4

Tafseer
  1. اِنَّ سَعْیَكُمْ لَشَتّٰىؕ﴿4﴾

    1. اِنَّبیشک
    2. سَعْيَكُمْتمہاری کوشش
    3. لَشَتّٰىمختلف
Translation · Dure-Mansoor
کہ بیشک تمہاری کوششیں مختلف ہیں
Tafseer · Dure-Mansoor
12۔ ابن ابی حاتم نے عکرمہ (رح) سے روایت کیا کہ آیت ان سعیکم بےش تمہاری کوشش میں السعی سے مراد ہے عمل۔ 13۔ ابن جریر نے قتادہ (رح) سے روایت کیا یہاں قسم واقع ہوئی کہ آیت ان سعیکم لشتی یعنی تمہارے کوششیں مختلف ہیں۔ 14۔ ابن ابی حاتم وابو الشیخ وابن عساکر نے ابن مسعود ؓ سے روایت کیا ہے ابوبکر صدیق ؓ نے بلال ؓ کو ابی بن خلف سے دھاری دار کپڑے اور دس اوقیہ کے بدلے میں خریدا پھر اس کو اللہ کے لیے آزاد کردیا تو اللہ تعالیٰ نے نازل فرمایا آیت واللیل اذا یغشی ان سعیکم لشتی سے لے کر یعنی کوشش کی ابوبکر ؓ نے اور امیہ نے اور ابی نے لیکن ان کی کوشش کی نوعیت مختلف ہے۔ آیت وکذب بالحسنی تک۔ اور حسنی سے مراد لا الہ الا اللہ ہے۔ اور اس قول آتی فسنیسرہ للعسری تک فرمایا یہاں عسری سے مراد جہنم ہے یعنی ہم اس کے لیے جہنم کی راہیں آسان کردیں گے۔
Dure-Mansoor - 92 : 4