تفسیرِ مظہری
Tafseer-e-Mazhari · 25. Al-Furqaan · Ayah 5
Tafseerوَ قَالُوْۤا اَسَاطِیْرُ الْاَوَّلِیْنَ اكْتَتَبَهَا فَهِیَ تُمْلٰى عَلَیْهِ بُكْرَةً وَّ اَصِیْلًا﴿5﴾
- وَقَالُوْٓااور انہوں نے کہا
- اَسَاطِيْرُکہانیاں
- الْاَوَّلِيْنَپہلے لوگ
- اكْتَتَبَهَااس نے انہیں لکھ لیا ہے
- فَهِيَ تُمْلٰىپس وہ پڑھی جاتی ہیں
- عَلَيْهِاس پر
- بُكْرَةًصبح
- وَّاَصِيْلًااور شام
Translation · Tafseer-e-Mazhari
اور کہتے ہیں کہ یہ پہلے لوگوں کی کہانیاں ہیں جس کو اس نے لکھ رکھا ہے اور وہ صبح وشام اس کو پڑھ پڑھ کر سنائی جاتی ہیں
Tafseer-e-Mazhari
وقالوا اساطیر الاولین اور (کافر) کہتے ہیں کہ یہ تو بےسند باتیں ہیں جو اگلوں سے منقول ہوتی چلی آئی ہیں۔
یعنی ان میں سے بعض نے جیسے نضر بن حارث نے کہا قرآن اللہ کا بھیجا ہوا نہیں ہے بلکہ پچھلے گزرے ہوئے لوگوں کی لکھی ہوئی داستانیں ہیں۔ جیسے رستم و اسفند یار کے قصے ہیں۔
اکتتبہا فہی تملی علیہ بکرۃ واصیلا۔ (محمد ﷺ نے) یہ لکھوا لی ہیں ‘ پس صبح و شام ان کو پڑھ کر سنائی جاتی ہیں۔
یعنی جبر ‘ یسار ‘ عداس وغیرہ سے رسول اللہ ﷺ نے لکھوا لی ہیں ‘ خود امی ہیں لکھ پڑھ نہیں سکتے صبح و شام پڑھوا کر سن لیتے ہیں تاکہ یاد رکھ سکیں۔