تدبرِ قرآن
Tadabbur-e-Quran · 16. An-Nahl · Ayah 104
اِنَّ الَّذِیْنَ لَا یُؤْمِنُوْنَ بِاٰیٰتِ اللّٰهِ١ۙ لَا یَهْدِیْهِمُ اللّٰهُ وَ لَهُمْ عَذَابٌ اَلِیْمٌ﴿104﴾
- اِنَّبیشک
- الَّذِيْنَوہ لوگ جو
- لَا يُؤْمِنُوْنَایمان نہیں لاتے ہیں
- بِاٰيٰتِ اللّٰهِاللہ کی آیتوں پر
- لَا يَهْدِيْهِمُہدایت نہیں دیتا انہیں
- اللّٰهُاللہ
- وَلَهُمْاور ان کے لیے
- عَذَابٌ اَلِيْمٌدردناک عذاب
Translation · Tadabbur-e-Quran
بیشک جو لوگ اللہ کی آیات پر ایمان نہیں لاتے ہیں اللہ ان کو راہ یا ب نہیں کرے گا اور ان کے لیے دردناک عذاب ہے
Tafseer · Tadabbur-e-Quran
اِنَّ الَّذِيْنَ لَا يُؤْمِنُوْنَ بِاٰيٰتِ اللّٰهِ ۙ لَا يَهْدِيْهِمُ اللّٰهُ وَلَهُمْ عَذَابٌ اَلِيْمٌ۔ یعنی ایمان و ہدایت کا راستہ صرف یہ ہے کہ اللہ کی آیات پر ایمان لایا جائے اس لیے کہ ہدایت وہی ہے جو اللہ کی طرف سے آئے تو جو لوگ اللہ کی آیات پر ایمان لانے کے لیے تیار نہیں ہیں ان کو اللہ کی ہدایت نصیب نہیں ہوسکتی۔ انہوں نے اپنے اوپر ہدایت کے دروازے بند کرلیے اور ان کے لیے آگے بس ایک دردناک عذاب ہی ہے۔