تدبرِ قرآن

ھس کے معنی باریک اور پست آواز کے ہیں جو کا نا پھوسی کی نوعیت کی ہو۔ فرمایا کہ آج تو لوگ ہمارے داعی کی بات نہیں سن رہے ہیں وہ صراط مستقیم کی دعوت دے رہا ہے تو یہ کج ہو کے چل رہے ہیں، اس کی مخالفت میں گلے پھاڑ رہے ہیں۔ لیکن اس دن کا داعی جب پکارے گا تو سب اس کے پیچھے چل پڑیں گے، کسی کی مجال نہ ہوگی کہ سر مواس سے انحراف کرسکے اور خدائے رحمان کی ہیبت کے آگے سب کی آوازیں پست ہوجائیں گی، کسی کے حلق سے بھی آواز نہیں نکلے گی جو بھی بات کرے گا سرگوشی اور کا نا پھوسی کے انداز میں بات کرے گا۔