تدبرِ قرآن
Tadabbur-e-Quran · 21. Al-Anbiyaa · Ayah 92
اِنَّ هٰذِهٖۤ اُمَّتُكُمْ اُمَّةً وَّاحِدَةً١ۖ٘ وَّ اَنَا رَبُّكُمْ فَاعْبُدُوْنِ﴿92﴾
- اِنَّبیشک
- هٰذِهٖٓیہ ہے
- اُمَّتُكُمْتمہاری امت
- اُمَّةًامت
- وَّاحِدَةًایک (یکتا)
- ڮ وَّاَنَااور میں
- رَبُّكُمْتمہارا رب
- فَاعْبُدُوْنِپس میری عبادت کرو
Translation · Tadabbur-e-Quran
یہ تمہاری امت ایک ہی امت ہے اور میں ہی تمہارا رب ہوں تو میری ہی عبادت کرو
Tafseer · Tadabbur-e-Quran
انبیاء کی سرگزشت خلاصہ بحث
تمام انبیاء کا ذکر کرنے کے بعد اب بطور خلاصہ بحث کے فرمایا کہ ان تمام کی دعوت اور ان کا دین ابتداء سے انتہاء تک ایک ہی ہے اور یہ سب انبیاء ایک ہی ملت و امت ہیں اور میں ہی تمہارا رب ہوں مطلب یہ ہے کہ اگر انبیاء کے درمیان کسی نے تفریق کی ہے، ان کے لائے ہوئے دین میں کسی نے بدعتیں ایجاد کی ہیں اور خدا کی توحید میں کس نے شرک کی ملاوٹ کی ہے تو اس کی ذمہ داری خود اس پر ہے۔ ان نبیوں کا دامن ان چیزوں سے پاک ہے۔