تدبرِ قرآن

استکبار کا انجام یہ اس استکبار کا انجام بیان فرمایا کہ ہم نے فرعون اور اس کی فوجوں کو پکڑا اور ان کو اٹھا کر سمندر میں پھینک دیا۔ ان کے پکڑنے کے لئے اللہ تعالیٰ نے جو تدبیر اختیار فرمائی اس کی پوری تفصیل پچھلی سورتوں، بالخصوص سورة طحہ کی تفسیر میں گزر چکی ہے۔ فانظرکیف کان عاقبۃ الظلمین یہ اس حقیقت کی طرف توجہ دلائی گی ہے جس کو واضح کرنے ہی کے لئے یہ سرگزشت منائی گی ہے۔ اس میں آنحضرت ﷺ کے لئے تسلی بھی ہے اور ان فرعونوں کے لئے تنبیہ بھی جو آنحضرت ﷺ اور آپ ﷺ کی دعوت کے معاملے میں بالکل اسی روش پر چل رہے تھے جو روش حضرت موسیٰ کے مقابل میں فرعون اور اس کے اعوان و انصار نے اختیار کی تھی۔