تدبرِ قرآن

آنحضرت کو تسلی ہدایت یہاں ہدایت یافتہ بنا دینے کے مفہوم میں ہے۔ یہ آنحضرت ﷺ کو تسلی دی گئی کہ تم ان لوگوں کے پیچھے زیادہ ہلکان نہ ہو۔ تمہارا کام صرف لوگوں تک پیغام حق پہنچا دینا ہے یہ تمہارے اختیار میں نہیں ہے کہ تم جس کو چاہو ہدایت یافتہ بنا دو بلکہ یہ اللہ کے اختیار میں ہے کہ وہ جس کو چاہتا ہے ہدایت دیتا ہے۔ اللہ ہی خوب جانتا ہے کہ کون ہدایت پانے کا اہل ہے، کون نہیں ہے۔ ہدایت و ضلالت کے باب میں جو سنت الٰہی ہے اس کی وضاحت ہم برابر کرتے آ رہے ہیں۔