تدبرِ قرآن

مَا عَمِلَتْ مِنْ سُوْۗءٍ ، کے بعد مُّحْضَرًا کا لفظ محذوف ہے، چونکہ پہلے ٹکڑے میں اس کا اظہار ہوچکا ہے اس وجہ سے دوسرے میں تکرار سے بچنے کے لیے اس کو حذف کردیا۔ بَيْنَهَا وَبَيْنَهٗٓ میں پہلی ضمیر کا مرجع نفس، دوسری کا، سوء محضر ہے۔ وَيُحَذِّرُكُمُ اللّٰهُ نَفْسَهٗ وَاللّٰهُ رَءُوْفٌۢ بِالْعِبَادِ : رَءُوْفٌ کے لفظ پر ہم کہیں بحث کر آئے ہیں کہ اس میں دفع شر کا پہلو غالب ہے۔ یعنی اللہ تعالیٰ چونکہ اپنے بندوں پر غایت درجہ مہربان ہے، وہ ان کو ان کے اعمال کے نتائج بد سے بچانا چاہتا ہے اس وجہ سے وہ ان کو اپنی ذات سے بار بار ہوشیار رہا ہے کہ وہ اس کی ڈھیل سے کسی غلط فہمی میں نہ پڑیں، وہ ڈھیل تو بیشک دیتا ہے لیکن جب پکڑے گا تو اس کی پکڑ بھی بڑی سخت ہوگی۔