تدبرِ قرآن

فَانْتَقَمْنَا مِنْهُمْ الایہ۔ اس انتقام سے مراد ان جرائم کا انتقام ہے جن پر پورے پورے اتمام حجت کے باوجود وہ جمے رہے۔ اللہ کی آیات سے اول تو وہ بےپروا اور غافل رہے اور جب وہ کھلے ہوئے چیلنج کے ساتھ ان کے سامنے ظاہر ہوئییں تو انہوں نے ان کی تکذیب کردی کہ یہ خدا کی طرف سے نہیں بلکہ سحر و شعبدہ کا کر شم ہیں۔ اس کی پاداش میں وہ سمندر میں غرق کردیے گئے۔ اس واقعہ غرق کی تفصیلات کے لیے موزوں مقام ہماری اس کتاب میں آگے آئیں گے۔