تدبرِ قرآن

حضرت لوط ؑ اور ان کی قوم کا سوال و جواب : مَلَاُ کے لفظ پر ہم دوسرے مقام میں بحث کرچکے ہیں۔ اِنَّا لَنَرٰكَ فِيْ ضَلٰلٍ مُّبِيْنٍ۔ یعنی تمہاری ان باتوں کی بنا پر ہم تم کو کھلی گمراہی میں مبتلا دیکھ رہے ہیں۔ اول تو تم نے باپ دادا کے دین کی تحقیر کی کہ جن معبودوں کو ہمارے باپ دادا پوجتے آئے ان کا تم انکار کر رہے ہو، پھر ستم یہ ہے کہ ہمارے اوپر عذاب الٰہی نازل ہونے کی دھمکی بھی سنا رہے ہو در آنحالیکہ ہمارے حالات تم سے اور تمہارے نام لیواؤں کے حالات سے ہر اعتبار سے اچھے ہیں۔