تدبرِ قرآن

اس دن اہل ایمان اور اہل کفر کے درمیان جو فرق ان کے چہروں سے نمایاں ہو گا، یہ آخر میں بالاجمال اس کی طرف اشارہ کر دیا تاکہ ان کے اس ظاہر سے ان کے باطن کا کچھ اندازہ ہو سکے کہ اہل ایمان کے دل اس دن کن امیدوں اور حوصلوں سے معمور ہوں گے اور اہل کفر کے دلوں پر اس دن کیا گزر رہی ہو گی۔ ’مُّسْفِرَۃٌ‘ کے معنی روشن اور تابناک کے ہیں۔ یہ ’اسفر الصبح‘ کے محاورے سے ماخوذ ہے۔ مسرت کی پہلی چمک جو اہل جنت کے چہروں پر ظاہر ہو گی یہ لفظ اس کی طرف اشارہ کر رہا ہے۔