تدبرِ قرآن
Tadabbur-e-Quran · 81. At-Takwir · Ayah 29
وَ مَا تَشَآءُوْنَ اِلَّاۤ اَنْ یَّشَآءَ اللّٰهُ رَبُّ الْعٰلَمِیْنَ۠ع﴿29﴾
- وَمَا تَشَآءُوْنَاور تم نہ چاہوگے
- اِلَّآمگر
- اَنْ يَّشَآءَ اللّٰهُیہ کہ چاہے اللہ
- رَبُّ الْعٰلَمِيْنَرب تمام جہان
Translation · Tadabbur-e-Quran
اور تم نہیں چاہو گے مگر یہ کہ اللہ، عام کا خداوند، چاہے۔
Tafseer · Tadabbur-e-Quran
یہ اللہ تعالیٰ نے اپنی اس سنت کا حوالہ دیا ہے جو اس نے ہدایت و ضلالت کے باب میں ٹھہرا رکھی ہے کہ وہ ہدایت کی توفیق انہی کو بخشتا ہے جو اس کے طالب بنتے اور اس کے لیے اپنی صلاحیتیں بروئے کار لاتے ہیں۔ جو اندھے بہرے ہو کر زندگی گزارتے ہیں اللہ تعالیٰ ان کو ان کی پسند کردہ ضلالت ہی میں بھٹکنے کے لیے چھوڑ دیا کرتا ہے۔ اس سنت الٰہی کی وضاحت جگہ جگہ ہو چکی ہے۔ سورۂ مدثر کی آخری آیات کے تحت بھی اس کی وضاحت ہوئی ہے۔ تفصیل مطلوب ہو تو اس پر ایک نظر ڈال لیجیے۔