تفہیم القرآن
Tafheem-ul-Quran · 16. An-Nahl · Ayah 43
Tafseerوَ مَاۤ اَرْسَلْنَا مِنْ قَبْلِكَ اِلَّا رِجَالًا نُّوْحِیْۤ اِلَیْهِمْ فَسْئَلُوْۤا اَهْلَ الذِّكْرِ اِنْ كُنْتُمْ لَا تَعْلَمُوْنَۙ﴿43﴾
- وَمَآاور نہیں
- اَرْسَلْنَاہم نے بھیجے
- مِنْ قَبْلِكَتم سے پہلے
- اِلَّا رِجَالًامردوں کے سوا
- نُّوْحِيْٓہم وحی کرتے ہیں
- اِلَيْهِمْان کی طرف
- فَسْئَلُوْٓاپس پوچھو
- اَهْلَ الذِّكْرِیاد رکھنے والے
- اِنْاگر
- كُنْتُمْتم ہو
- لَا تَعْلَمُوْنَنہیں جانتے
Translation · Tafheem-ul-Quran
اے محمد ؐ ، ہم نے تم سے پہلے بھی جب کبھی رسُول بھیجے ہیں آدمی ہی بھیجے ہیں جن کی طرف ہم اپنے پیغامات وحی کیا کرتے تھے۔38 اہل ِذکر 39سے پُوچھ لو اگر تم لوگ خود نہیں جانتے
Tafseer · Tafheem-ul-Quran
سورة النَّحْل 38
یہاں مشرکین مکہ کے ایک اعتراض کو نقل کیے بغیر اسکا جواب دیا جا رہا ہے۔ اعتراض وہی ہے جو پہلے بھی تمام انبیاء (علیہم السلام) پر ہوچکا تھا اور نبی ﷺ کے معاصرین نے بھی آپ ﷺ پر بارہا کیا تھا کہ تم ہماری ہی طرح کے انسان ہو، پھر ہم کیسے مان لیں کہ خدا نے تم کو پیغمبر بنا کر بھیجا ہے۔
سورة النَّحْل 39
یعنی علماء اہل کتاب، اور وہ دوسرے لوگ جو چاہے سکہ بند علما نہ ہوں مگر بہر حال کتب آسمانی کی تعلیمات سے واقف اور انبیاء سابقین کی سرگزشت سے آگاہ ہوں۔