تفہیم القرآن
Tafheem-ul-Quran · 16. An-Nahl · Ayah 87
وَ اَلْقَوْا اِلَى اللّٰهِ یَوْمَئِذِ اِ۟لسَّلَمَ وَ ضَلَّ عَنْهُمْ مَّا كَانُوْا یَفْتَرُوْنَ﴿87﴾
- وَاَلْقَوْااور وہ ڈالیں گے
- اِلَىطرف (سامنے)
- اللّٰهِاللہ
- يَوْمَئِذِاس دن
- السَّلَمَعاجزی
- وَضَلَّاور گم ہوجائے گا
- عَنْهُمْان سے
- مَّاجو
- كَانُوْا يَفْتَرُوْنَافترا کرتے (جھوٹ گھڑتے تھے)
Translation · Tafheem-ul-Quran
اُس وقت یہ سب اللہ کے آگے جُھک جائیں گے اور ان کو وہ ساری افترا پردازیاں رفو چکّر ہو جائیں گی جو یہ دنیا میں کرتے رہے تھے۔84
Tafseer · Tafheem-ul-Quran
سورة النَّحْل 84
یعنی وہ سب غلط ثابت ہوں گی۔ جن جن سہاروں پر وہ دنیا میں بھروسا کیے ہوئے تھے وہ سارے کے سارے گم ہوجائیں گے۔ کسی فریاد رس کو وہاں فریاد رسی کے لیے موجود نہ پائیں گے۔ کوئی مشکل کشا ان کی مشکل حل کرنے کے لیے نہیں ملے گا۔ کوئی آگے بڑھ کر یہ کہنے والا نہ ہوگا کہ یہ میرے متوسل تھے، انہیں کچھ نہ کہا جائے۔