تفہیم القرآن
Tafheem-ul-Quran · 29. Al-Ankaboot · Ayah 42
اِنَّ اللّٰهَ یَعْلَمُ مَا یَدْعُوْنَ مِنْ دُوْنِهٖ مِنْ شَیْءٍ١ؕ وَ هُوَ الْعَزِیْزُ الْحَكِیْمُ﴿42﴾
- اِنَّبیشک
- اللّٰهَاللہ
- يَعْلَمُجانتا ہے
- مَا يَدْعُوْنَجو وہ پکارتے ہیں
- مِنْسے
- دُوْنِهٖاس کے سوا
- مِنْ شَيْءٍکوئی چیز
- وَهُوَاور وہ
- الْعَزِيْزُغالب زبردست ہے
- الْحَكِيْمُحکمت والا
Translation · Tafheem-ul-Quran
یہ لوگ اللہ کو چھوڑ کر جس چیز کو بھی پکارتے ہیں اللہ اُسے خوب جانتا ہے اور وہی زبردست اور حکیم ہے۔74
Tafseer · Tafheem-ul-Quran
سورة العنکبوت 74
یعنی اللہ کو ان سب چیزوں کی حقیقت خوب معلوم ہے جنہیں یہ لوگ معبود بنائے بیٹھے ہیں اور مدد کے لیے پکارتے ہیں۔ ان کے اختیار میں کچھ بھی نہیں ہے۔ طاقت کا مالک صرف اللہ ہی ہے اور اسی کی تدبیر و حکمت اس کائنات کا نظام چلا رہی ہے۔
ایک دوسرا ترجمہ اس آیت کا یہ بھی ہوسکتا ہے " اللہ خوب جانتا ہے کہ اسے چھوڑ کر جنہیں یہ لوگ پکارتے ہیں وہ کچھ بھی نہیں ہیں (یعنی بےحقیقت ہیں) اور عزیز و حکیم بس وہی ہے "۔