تفہیم القرآن
Tafheem-ul-Quran · 3. Aal-i-Imraan · Ayah 105
Tafseerوَ لَا تَكُوْنُوْا كَالَّذِیْنَ تَفَرَّقُوْا وَ اخْتَلَفُوْا مِنْۢ بَعْدِ مَا جَآءَهُمُ الْبَیِّنٰتُ١ؕ وَ اُولٰٓئِكَ لَهُمْ عَذَابٌ عَظِیْمٌۙ﴿105﴾
- وَلَا تَكُوْنُوْااور نہ ہوجاؤ
- كَالَّذِيْنَان کی طرح جو
- تَفَرَّقُوْامتفرق ہوگئے
- وَاخْتَلَفُوْااور باہم اختلاف کرنے لگے
- مِنْ بَعْدِاس کے بعد
- مَاکہ
- جَآءَھُمُان کے پاس آگئے
- الْبَيِّنٰتُواضح حکم
- وَاُولٰٓئِكَاور یہی لوگ
- لَھُمْان کے لیے
- عَذَابٌعذاب
- عَظِيْمبڑا
Translation · Tafheem-ul-Quran
کہیں تم ان لوگوں کی طرح نہ ہو جانا جو فرقوں میں بٹ گئے اور کھلی کھلی واضح ہدایا ت پانے کے بعد پھر اختلافات میں مبتلا ہوئے۔86 جنھوں نے یہ روش اختیار کی وہ اس روز سخت سزا پائیں گے
Tafseer · Tafheem-ul-Quran
سورة اٰلِ عِمْرٰن 86
یہ اشارہ ان امتوں کی طرف ہے جنہوں نے خدا کے پیغمبروں سے دین حق کی صاف اور سیدھی تعلیمات پائیں مگر کچھ مدت گزر جانے کے بعد اساس دین کو چھوڑ دیا اور غیر متعلق ضمنی و فروعی مسائل کی بنیاد پر الگ الگ فرقے بنانے شروع کردیے، پھر فضول و لایعنی باتوں پر جھگڑنے میں ایسے مشغول ہوئے کہ نہ انہیں اس کام کا ہوش رہا جو اللہ نے ان کے سپرد کیا تھا اور نہ عقیدہ و اخلاق کے ان بنیادی اصولوں سے کوئی دلچسپی رہی جن پر درحقیقت انسان کی فلاح وسعادت کا مدار ہے۔