تفہیم القرآن

سورة الصّٰٓفّٰت 57 اس سے یہ نہ سمجھ لیا جائے کہ دعا کرتے ہی یہ بشارت دے دی گئی۔ قرآن مجید ہی میں ایک دوسرے مقام پر حضرت ابراہیم ؑ کا یہ قول نقل کیا گیا ہے کہ اَلْحَمْدُ لِلّٰہِ الَّذِیْ وَھَبَ لِیْ عَلَی الْکِبَرِ اِسْمٰعِیْلَ وَ اِسْحٰقَ " شکر ہے اس خدا کا جس نے مجھے بڑھاپے میں اسماعیل اور اسحاق عطا فرمائے " (سورة ابراہیم، آیت 39)۔ اس سے ثابت ہوتا ہے کہ سیدنا ابراہیم ؑ کی دعا اور اس بشارت کے درمیان سالہا سال کا فصل تھا۔ بائیبل کا بیان ہے کہ حضرت اسماعیل ؑ کی پیدائش کے وقت حضرت ابراہیم ؑ کی عمر 86 برس کی تھی (پیدائش 1616) ، اور حضرت اسحاق ؑ کی پیدائش کے وقت سو برس کی (615)