تفہیم القرآن
Tafheem-ul-Quran · 4. An-Nisaa · Ayah 10
اِنَّ الَّذِیْنَ یَاْكُلُوْنَ اَمْوَالَ الْیَتٰمٰى ظُلْمًا اِنَّمَا یَاْكُلُوْنَ فِیْ بُطُوْنِهِمْ نَارًا١ؕ وَ سَیَصْلَوْنَ سَعِیْرًا۠ع﴿10﴾
- اِنَّبیشک
- الَّذِيْنَجو لوگ
- يَاْكُلُوْنَکھاتے ہیں
- اَمْوَالَمال
- الْيَتٰمٰىیتیموں
- ظُلْمًاظلم سے
- اِنَّمَااس کے سوا کچھ نہیں
- يَاْكُلُوْنَوہ بھر رہے ہیں
- فِيْمیں
- بُطُوْنِھِمْاپنے پیٹ
- نَارًاآگ
- وَسَيَصْلَوْنَاور عنقریب داخل ہونگے
- سَعِيْرًاآگ (دوزخ)
Translation · Tafheem-ul-Quran
جو لوگ ظلم کے ساتھ یتیموں کے مال کھاتے ہیں درحقیقت وہ اپنے پیٹ آگ سے بھرتے ہیں اور وہ ضرور جہنّم کی بھڑکتی ہوئی آگ میں جھونکے جائیں گے۔ 14
Tafseer · Tafheem-ul-Quran
سورة النِّسَآء 14
حدیث میں آیا ہے کہ جنگ احد کے بعد حضرت سعد بن ربیع ؓ کی بیوی اپنی دو بچیوں کو لیے ہوئے نبی ﷺ کی خدمت میں حاضر ہوئیں اور انہوں نے عرض کیا کہ ”یا رسول اللہ ! یہ سعد ؓ کی بچیاں ہیں جو آپ ﷺ کے ساتھ احد میں شہید ہوئے ہیں۔ ان کے چچا نے پوری جائداد پر قبضہ کرلیا ہے اور ان کے لیے ایک حبہ تک نہیں چھوڑا ہے۔ اب بھلا ان بچیوں سے کون نکاح کرے گا“۔ اس پر یہ آیات نازل ہوئیں۔