تفہیم القرآن
Tafheem-ul-Quran · 43. Az-Zukhruf · Ayah 65
فَاخْتَلَفَ الْاَحْزَابُ مِنْۢ بَیْنِهِمْ١ۚ فَوَیْلٌ لِّلَّذِیْنَ ظَلَمُوْا مِنْ عَذَابِ یَوْمٍ اَلِیْمٍ﴿65﴾
- فَاخْتَلَفَ الْاَحْزَابُپس اختلاف کیا گروہوں نے
- مِنْۢ بَيْنِهِمْان کے درمیان سے
- فَوَيْلٌ لِّلَّذِيْنَپس ہلاکت ہے ان لوگوں کے لیے
- ظَلَمُوْاجنہوں نے ظلم کیا
- مِنْ عَذَابِعذاب سے
- يَوْمٍ اَلِيْمٍدردناک دن کے
Translation · Tafheem-ul-Quran
مگر(اُس کی اِس صاف تعلیم کے باوجود)گروہوں نے آپس میں اختلاف کیا،58 پس تباہی ہے اُن لوگوں کے لیے جنہوں نے ظلم کیا ایک دردناک دن کے عذاب سے
Tafseer · Tafheem-ul-Quran
سورة الزُّخْرُف 58
یعنی ایک گروہ نے ان کا انکار کیا تو مخالفت میں اس حد تک پہنچ گیا کہ ان پر ناجائز ولادت کی تہمت لگائی اور ان کو اپنے نزدیک سولی پر چڑھوا کر چھوڑا۔ دوسرے گروہ نے ان کا اقرار کیا تو عقیدت میں بےتحاشا غلو کر کے ان کو خدا بنا بیٹھا اور پھر ایک انسان کے خدا ہونے کا مسئلہ اس کے لیے ایسی گتھی بنا جسے سلجھاتے سلجھاتے اس میں بیشمار فرقے بن گئے۔ (تشریح کے لیے ملاحظہ ہو تفہیم القرآن، جلد اول، النساء، حواشی، 211 تا 216، المائدہ، حواشی 39۔ 40۔ 101۔ 130)۔