تفہیم القرآن
Tafheem-ul-Quran · 5. Al-Maaida · Ayah 6
Tafseerیٰۤاَیُّهَا الَّذِیْنَ اٰمَنُوْۤا اِذَا قُمْتُمْ اِلَى الصَّلٰوةِ فَاغْسِلُوْا وُجُوْهَكُمْ وَ اَیْدِیَكُمْ اِلَى الْمَرَافِقِ وَ امْسَحُوْا بِرُءُوْسِكُمْ وَ اَرْجُلَكُمْ اِلَى الْكَعْبَیْنِ١ؕ وَ اِنْ كُنْتُمْ جُنُبًا فَاطَّهَّرُوْا١ؕ وَ اِنْ كُنْتُمْ مَّرْضٰۤى اَوْ عَلٰى سَفَرٍ اَوْ جَآءَ اَحَدٌ مِّنْكُمْ مِّنَ الْغَآئِطِ اَوْ لٰمَسْتُمُ النِّسَآءَ فَلَمْ تَجِدُوْا مَآءً فَتَیَمَّمُوْا صَعِیْدًا طَیِّبًا فَامْسَحُوْا بِوُجُوْهِكُمْ وَ اَیْدِیْكُمْ مِّنْهُ١ؕ مَا یُرِیْدُ اللّٰهُ لِیَجْعَلَ عَلَیْكُمْ مِّنْ حَرَجٍ وَّ لٰكِنْ یُّرِیْدُ لِیُطَهِّرَكُمْ وَ لِیُتِمَّ نِعْمَتَهٗ عَلَیْكُمْ لَعَلَّكُمْ تَشْكُرُوْنَ﴿6﴾
- يٰٓاَيُّھَااے
- الَّذِيْنَ اٰمَنُوْٓاوہ جو ایمان لائے (ایمان والے)
- اِذَاجب
- قُمْتُمْتم اٹھو
- اِلَى الصَّلٰوةِنماز کے لیے
- فَاغْسِلُوْاتو دھو لو
- وُجُوْهَكُمْاپنے منہ
- وَاَيْدِيَكُمْاور اپنے ہاتھ
- اِلَىتک
- الْمَرَافِقِکہنیاں
- وَامْسَحُوْااور مسح کرو
- بِرُءُوْسِكُمْاپنے سروں کا
- وَاَرْجُلَكُمْاور اپنے پاؤں
- اِلَىتک
- الْكَعْبَيْنِٹخنوں
- وَاِنْاور اگر
- كُنْتُمْتم ہو
- جُنُبًاناپاک
- فَاطَّهَّرُوْاتو خوب پاک ہوجاؤ
- وَاِنْاور اگر
- كُنْتُمْتم ہو
- مَّرْضٰٓىبیمار
- اَوْیا
- عَلٰيپر (میں)
- سَفَرٍسفر
- اَوْاور
- جَآءَآئے
- اَحَدٌکوئی
- مِّنْكُمْتم میں سے
- مِّنَ الْغَآئِطِبیت الخلا سے
- اَوْ لٰمَسْتُمُیا تم ملو (صحبت کی)
- النِّسَآءَعورتوں سے
- فَلَمْ تَجِدُوْاپھر نہ پاؤ
- مَآءًپانی
- فَتَيَمَّمُوْاتو تیمم کرلو
- صَعِيْدًامٹی
- طَيِّبًاپاک
- فَامْسَحُوْاتو مسح کرو
- بِوُجُوْهِكُمْاپنے منہ
- وَاَيْدِيْكُمْاور اپنے ہاتھ
- مِّنْهُاس سے
- مَا يُرِيْدُنہیں چاہتا
- اللّٰهُاللہ
- لِيَجْعَلَکہ کرے
- عَلَيْكُمْتم پر
- مِّنْکوئی
- حَرَجٍتنگی
- وَّلٰكِنْاور لیکن
- يُّرِيْدُچاہتا ہے
- لِيُطَهِّرَكُمْکہ تمہیں پاک کرے
- وَلِيُتِمَّاور یہ کہ پوری کرے
- نِعْمَتَهٗاپنی نعمت
- عَلَيْكُمْتم پر
- لَعَلَّكُمْتاکہ تم
- تَشْكُرُوْنَاحسان مانو
Translation · Tafheem-ul-Quran
اے لوگو جو ایمان لائے ہو، جب تم نماز کے لیے اُٹھو تو چاہیے کہ اپنے مُنّہ اور ہاتھ کہنیوں تک دھولو، سروں پر ہاتھ پھیر لو اور پاوٴں ٹخنوں تک دھولیا کرو۔24 اگر جَنابت کی حالت میں ہو تو نہاکر پاک ہوجاوٴ۔ 25اگر بیمار ہو یا سفر کی حالت میں ہو یا تم میں سے کوئی شخص رفع حاجت کرکے آئے یا تم نے عورتوں کو ہاتھ لگایا ہو، اور پانی نہ ملے، تو پاک مٹی سے کام لو، بس اُس پر ہاتھ مارکر اپنے مُنّہ اور ہاتھوں پر پھیر لیا کرو۔26 اللہ تم پر زندگی کو تنگ نہیں کرنا چاہتا، مگر وہ چاہتا ہے کہ تمہیں پاک کرے اور اپنی نعمت تم پر تمام کردے،27 شاید کہ تم شکر گزار بنو
Tafseer · Tafheem-ul-Quran
سورة الْمَآىِٕدَة 24
نبی ﷺ نے اس حکم کی جو تشریح فرمائی ہے اس سے معلوم ہوتا ہے کہ منہ دھونے میں کلی کرنا اور ناک صاف کرنا بھی شامل ہے، بغیر اس کے منہ کے غسل کی تکمیل نہیں ہوتی۔ اور کان چونکہ سر کا ایک حصہ ہیں اس لیے سر کے مسح میں کانوں کے اندرونی و بیرونی حصوں کا مسح بھی شامل ہے۔ نیز وضو شروع کرنے سے پہلے ہاتھ دھو لینے چاہییں تاکہ جن ہاتھوں سے آدمی وضو کر رہا ہو وہ خود پہلے پاک ہوجائیں۔
سورة الْمَآىِٕدَة 25
جنابت خواہ مباشرت سے لاحق ہوئی ہو یا خواب میں مادہ منویہ خارج ہونے کی وجہ سے، دونوں صورتوں میں غسل واجب ہے۔ اس حالت میں غسل کے بغیر نماز پڑھنا یا قرآن کو ہاتھ لگانا جائز نہیں۔ (مزید تفصیلات کے لیے ملاحظہ ہو سورة نساء، حواشی نمبر 67، 68 و 69)۔
سورة الْمَآىِٕدَة 26
تشریح کے لیے ملاحظہ ہو سورة نساء 69 و 70۔
سورة الْمَآىِٕدَة 27
جس طرح پاکیزگی نفس ایک نعمت ہے اسی طرح پاکیزگی جسم بھی ایک نعمت ہے۔ انسان پر اللہ کی نعمت اسی وقت مکمل ہو سکتی ہے جبکہ نفس و جسم دونوں کی طہارت و پاکیزگی کے لئے پوری ہدایت اسے مل جائے۔