تفہیم القرآن
Tafheem-ul-Quran · 6. Al-An'aam · Ayah 54
Tafseerوَ اِذَا جَآءَكَ الَّذِیْنَ یُؤْمِنُوْنَ بِاٰیٰتِنَا فَقُلْ سَلٰمٌ عَلَیْكُمْ كَتَبَ رَبُّكُمْ عَلٰى نَفْسِهِ الرَّحْمَةَ١ۙ اَنَّهٗ مَنْ عَمِلَ مِنْكُمْ سُوْٓءًۢا بِجَهَالَةٍ ثُمَّ تَابَ مِنْۢ بَعْدِهٖ وَ اَصْلَحَ فَاَنَّهٗ غَفُوْرٌ رَّحِیْمٌ﴿54﴾
- وَاِذَااور جب
- جَآءَكَآپ کے پاس آئیں
- الَّذِيْنَوہ لوگ
- يُؤْمِنُوْنَایمان رکھتے ہیں
- بِاٰيٰتِنَاہماری آیتیں
- فَقُلْتو کہ دیں
- سَلٰمٌسلام
- عَلَيْكُمْتم پر
- كَتَبَلکھ لی
- رَبُّكُمْتمہارا رب
- عَلٰيپر
- نَفْسِهِاپنی ذات
- الرَّحْمَةَرحمت
- اَنَّهٗکہ
- مَنْجو
- عَمِلَکرے
- مِنْكُمْتم سے
- سُوْٓءًۢاکوئی برائی
- بِجَهَالَةٍنادانی سے
- ثُمَّپھر
- تَابَتوبہ کرے
- مِنْۢ بَعْدِهٖاس کے بعد
- وَاَصْلَحَاور نیک ہوجائے
- فَاَنَّهٗتو بیشک اللہ
- غَفُوْرٌبخشنے والا
- رَّحِيْمٌمہربان
Translation · Tafheem-ul-Quran
جب تمہارے پاس وہ لوگ آئیں جو ہماری آیات پر ایمان لاتے ہیں تو ان سے کہو ”تم پر سلامتی ہے۔ تمہارے رب نے رحم و کرم کا شیوہ اپنے اوپر لازم کرلیا ہے۔ یہ اس کا رحم و کرم ہی ہے کہ اگر تم میں سے کوئی نادانی کے ساتھ کسی بُرائی کا ارتکاب کر بیٹھا ہر پھر اس کے بعد توبہ کرے اور اصلاح کرلے تو وہ اُسے معاف کردیتا ہے اور نرمی سے کام لیتا ہے“37
Tafseer · Tafheem-ul-Quran
سورة الْاَنْعَام 37
جو لوگ اس وقت نبی ﷺ پر ایمان لائے تھے ان میں بکثرت لوگ ایسے بھی تھے جن سے زمانہ جاہلیت میں بڑے بڑے گناہ ہوچکے تھے۔ اب اسلام قبول کرنے کے بعد اگرچہ ان کی زندگیاں بالکل بدل گئی تھیں، لیکن مخالفین اسلام ان کو سابق زندگی کے عیوب اور افعال کے طعنے دیتے تھے۔ اس پر فرمایا جارہا ہے کہ اہل ایمان کو تسلی دو۔ انہیں بتاؤ کہ جو شخص توبہ کر کے اپنی اصلاح کرلیتا ہے اس کے پچھلے قصوروں پر گرفت کرنے کا طریقہ اللہ کے ہاں نہیں ہے۔