تفہیم القرآن
Tafheem-ul-Quran · 72. Al-Jinn · Ayah 9
Tafseerوَّ اَنَّا كُنَّا نَقْعُدُ مِنْهَا مَقَاعِدَ لِلسَّمْعِ١ؕ فَمَنْ یَّسْتَمِعِ الْاٰنَ یَجِدْ لَهٗ شِهَابًا رَّصَدًاۙ﴿9﴾
- وَّاَنَّااور یہ کہ ہم
- كُنَّا نَقْعُدُہم بیٹھا کرتے تھے
- مِنْهَااس کے
- مَقَاعِدَٹھکانے
- لِلسَّمْعِ ۭسننے کے لئے
- فَمَنْپس جو
- يَّسْتَمِعِسنتا ہے
- الْاٰنَاب
- يَجِدْ لَهٗوہ وہاں پاتا ہے
- شِهَابًاشعلہ
- رَّصَدًاگھات لگایا ہوا
Translation · Tafheem-ul-Quran
اور یہ کہ”پہلے ہم سُن گُن لینے کے لیے آسمان میں بیٹھنے کی جگہ پالیتے تھے ، مگر اب جو چوری چھُپے سُننے کی کوشش کرتا ہے وہ اپنے لیے گھات میں ایک شہابِ ثاقب لگا ہوا پاتا ہے۔“ 9
Tafseer · Tafheem-ul-Quran
سورة الْجِنّ 9
یہ ہے وہ وجہ جس کی بنا پر یہ جن اس تلاش میں نکلے تھے کہ آخر زمین پر ایسا کیا معاملہ پیش آیا ہے یا آنے والا ہے جس کی خبروں کو محفوظ رکھنے کے لیے اس قدر سخت انتظامات کیے گئے ہیں کہ اب ہم عالم بالا میں سن گن لینے کا کوئی موقع نہیں پاتے اور جدھر بھی جاتے ہیں مار بھگائے جاتے ہیں۔