آسان قرآن
Aasan Quran · 17. Al-Israa · Ayah 93
اَوْ یَكُوْنَ لَكَ بَیْتٌ مِّنْ زُخْرُفٍ اَوْ تَرْقٰى فِی السَّمَآءِ١ؕ وَ لَنْ نُّؤْمِنَ لِرُقِیِّكَ حَتّٰى تُنَزِّلَ عَلَیْنَا كِتٰبًا نَّقْرَؤُهٗ١ؕ قُلْ سُبْحَانَ رَبِّیْ هَلْ كُنْتُ اِلَّا بَشَرًا رَّسُوْلًا۠ع﴿93﴾
- اَوْیا
- يَكُوْنَہو
- لَكَتیرے لیے
- بَيْتٌایک گھر
- مِّنْسے۔ کا
- زُخْرُفٍسونا
- اَوْیا
- تَرْقٰىتو چڑھ جائے
- فِي السَّمَآءِآسمانوں میں
- وَلَنْ نُّؤْمِنَاور ہم ہرگز نہ مانیں گے
- لِرُقِيِّكَتیرے چڑھنے کو
- حَتّٰىیہانتک کہ
- تُنَزِّلَتو اتارے
- عَلَيْنَاہم پر
- كِتٰبًاایک کتاب
- نَّقْرَؤُهٗہم پڑھ لیں جسے
- قُلْآپ کہ دیں
- سُبْحَانَپاک ہے
- رَبِّيْمیرا رب
- هَلْ كُنْتُنہیں ہوں میں
- اِلَّامگر۔ صرف
- بَشَرًاایک بشر
- رَّسُوْلًارسول
Translation · Aasan Quran
یا پھر تمہارے لیے ایک سونے کا گھر پیدا ہوجائے، یا تم آسمان پر چڑھ جاؤ، اور ہم تمہارے چڑھنے کو بھی اس وقت تک نہیں مانیں گے جب تک تم ہم پر ایسی کتاب نازل نہ کردو جسے ہم پڑھ سکیں۔ (اے پیغمبر) کہہ دو کہ : سبحان اللہ ! میں تو ایک بشر ہوں جسے پیغمبر بنا کر بھیجا گیا ہے، اس سے زیادہ کچھ نہیں۔ (50)
Tafseer · Aasan Quran
50: ان آیات میں مشرکین مکہ کے وہ مطالبات بیان فرمائے گئے ہیں جو محض ضد کی بنا پر آنحضرت ﷺ سے کیا کرتے تھے، آپ کے متعدد معجزات ان پر ظاہر ہوچکے تھے، لیکن وہ پھر بھی نت نئی فرمائشوں سے باز نہیں آتے تھے، آپ ﷺ کو ان ساری فرمائشوں کا یہ مختصر جواب دینے کی تلقین فرمائی گئی ہے کہ میں خدا نہیں ہوں کہ یہ سارے کام میرے اختیار میں ہوں، میں تو ایک انسان ہوں، البتہ اللہ تعالیٰ نے مجھے پیغمبر بناکر بھیجا ہے، لہذا اللہ تعالیٰ نے اپنی حکمت کے تحت جو معجزات مجھے عطا فرمادئیے ہیں ان سے زیادہ اپنے اختیار میں کوئی معجزہ نہیں دکھا سکتا۔