آسان قرآن
Aasan Quran · 30. Ar-Room · Ayah 28
ضَرَبَ لَكُمْ مَّثَلًا مِّنْ اَنْفُسِكُمْ١ؕ هَلْ لَّكُمْ مِّنْ مَّا مَلَكَتْ اَیْمَانُكُمْ مِّنْ شُرَكَآءَ فِیْ مَا رَزَقْنٰكُمْ فَاَنْتُمْ فِیْهِ سَوَآءٌ تَخَافُوْنَهُمْ كَخِیْفَتِكُمْ اَنْفُسَكُمْ١ؕ كَذٰلِكَ نُفَصِّلُ الْاٰیٰتِ لِقَوْمٍ یَّعْقِلُوْنَ﴿28﴾
- ضَرَبَاس نے بیان کی
- لَكُمْتمہارے لیے
- مَّثَلًاایک مثال
- مِّنْسے
- اَنْفُسِكُمْ ۭتمہاری جانیں (حال)
- هَلْ لَّكُمْکیا تمہارے لیے
- مِّنْسے
- مَّا مَلَكَتْجو مالک ہوئے
- اَيْمَانُكُمْتمہارے دائیں ہاتھ (غلام)
- مِّنْ شُرَكَآءَکوئی شریک
- فِيْمیں
- مَا رَزَقْنٰكُمْجو ہم نے تمہیں رزق دیا
- فَاَنْتُمْسو (تاکہ) تم
- فِيْهِاس میں
- سَوَآءٌبرابر
- تَخَافُوْنَهُمْ(کیا) تم ان سے ڈرتے ہو
- كَخِيْفَتِكُمْجیسے تم ڈرتے ہو
- اَنْفُسَكُمْ ۭاپنی جانیں (اپنوں سے)
- كَذٰلِكَاسی طرح
- نُفَصِّلُہم کھول کر بیان کرتے ہیں
- الْاٰيٰتِنشانیاں
- لِقَوْمٍ يَّعْقِلُوْنَعقل والوں کے لیے
Translation · Aasan Quran
وہ تمہیں خود تمہارے اندر سے ایک مثال دیتا ہے۔ ہم نے جو رزق تمہیں دیا ہے، کیا تمہارے غلاموں میں سے کوئی اس میں تمہارا شریک ہے کہ اس رزق میں تمہارا درجہ ان کے برابر ہو (اور) تم ان غلاموں سے ویسے ہی ڈرتے ہو جیسے آپس میں ایک دوسرے سے ڈرتے ہو ؟ (11) ہم اسی طرح دلائل ان لوگوں کے لیے کھول کھول کر بیان کرتے ہیں جو عقل سے کام لیں۔
Tafseer · Aasan Quran
11: کوئی بھی شخص یہ گوارا نہیں کرتا کہ اس کا غلام اس کی املاک میں اس کے برابر ہوجائے اور کوئی کام کرتے وقت اس سے اسی طرح ڈرنا پڑے جیسے دو آزاد آدمی جو کاروبار میں ایک دوسرے کے شریک ہوں، ایک دوسرے سے ڈرتے ہیں، اگر یہ بات مشرک لوگ اپنے لیے گوارا نہیں کرتے تو اللہ تعالیٰ کی خدائی میں دوسروں کو کیسے شریک ٹھہرا دیتے ہیں۔