آسان قرآن
Aasan Quran · 31. Luqman · Ayah 13
وَ اِذْ قَالَ لُقْمٰنُ لِابْنِهٖ وَ هُوَ یَعِظُهٗ یٰبُنَیَّ لَا تُشْرِكْ بِاللّٰهِ١ؔؕ اِنَّ الشِّرْكَ لَظُلْمٌ عَظِیْمٌ﴿13﴾
- وَاِذْاور جب
- قَالَکہا
- لُقْمٰنُلقمان
- لِابْنِهٖاپنے بیٹے کو
- وَهُوَاور وہ
- يَعِظُهٗاسے نصیحت کر رہا تھا
- يٰبُنَيَّاے میرے بیٹے
- لَا تُشْرِكْتو نہ شریک ٹھہرا
- بِاللّٰهِاللہ کے ساتھ
- اِنَّ الشِّرْكَبیشک شرک
- لَظُلْمٌ عَظِيْمٌالبتہ ظلم عظیم
Translation · Aasan Quran
اور وہ وقت یاد کرو جب لقمان نے اپنے بیٹے کو نصیحت کرتے ہوئے کہا تھا کہ : میرے بیٹے ! اللہ کے ساتھ شرک نہ کرنا، یقین جانو شرک بڑا بھاری ظلم ہے، (6)
Tafseer · Aasan Quran
6: بعض اوقات اللہ تعالیٰ پیغمبروں کے علاوہ اپنے خاص بندوں پر بھی الہام فرماتے ہیں جو انبیاء کرام پر نازل ہونے والی وحی کی طرح تو حجت نہیں ہوتا، لیکن اس کے ذریعے عام ہدایات دی جاتی ہیں، جو وحی کے کسی حکم کے خلاف نہ ہوں۔
ظلم کے معنی یہ ہیں کسی کا حق چھین کر دوسرے کو دے دیا جائے، شرک اس لحاظ سے واضح طور پر بہت بڑا ظلم ہے کہ عبادت اللہ تعالیٰ کا خالص حق ہے شرک کرنے والے اللہ تعالیٰ کا یہ حق ادا کرنے کے بجائے خود اسی کے بندوں اور اسی کی مخلوقات کو دیتے ہیں۔