آسان قرآن
Aasan Quran · 47. Muhammad · Ayah 38
هٰۤاَنْتُمْ هٰۤؤُلَآءِ تُدْعَوْنَ لِتُنْفِقُوْا فِیْ سَبِیْلِ اللّٰهِ١ۚ فَمِنْكُمْ مَّنْ یَّبْخَلُ١ۚ وَ مَنْ یَّبْخَلْ فَاِنَّمَا یَبْخَلُ عَنْ نَّفْسِهٖ١ؕ وَ اللّٰهُ الْغَنِیُّ وَ اَنْتُمُ الْفُقَرَآءُ١ۚ وَ اِنْ تَتَوَلَّوْا یَسْتَبْدِلْ قَوْمًا غَیْرَكُمْ١ۙ ثُمَّ لَا یَكُوْنُوْۤا اَمْثَالَكُمْ۠ع﴿38﴾
- هٰٓاَنْتُمْیہ تم ہو
- هٰٓؤُلَآءِہاں ! وہ لوگ
- تُدْعَوْنَتمہیں پکارا جاتا ہے
- لِتُنْفِقُوْاکہ تم خرچ کرو
- فِيْ سَبِيْلِ اللّٰهِ ۚاللہ کے راستے میں
- فَمِنْكُمْپھر تم میں سے
- مَّنْکوئی ایسا ہے کہ
- يَّبْخَلُ ۚبخل کرتا ہے
- وَمَنْاور جو
- يَّبْخَلْبخل کرتا ہے
- فَاِنَّمَاتو اس کے سوا نہیں
- يَبْخَلُوہ بخل کرتا ہے
- عَنْ نَّفْسِهٖ ۭاپنے آپ سے
- وَاللّٰهُاور اللہ
- الْغَنِيُّبےنیاز
- وَاَنْتُمُ الْفُقَرَآءُ ۚاور تم محتاج (جمع)
- وَاِنْاور اگر
- تَتَوَلَّوْاتم روگردانی کروگے
- يَسْتَبْدِلْوہ بدل دے گا
- قَوْمًادوسری قوم
- غَيْرَكُمْ ۙتمہارے سوا
- ثُمَّپھر
- لَا يَكُوْنُوْٓاوہ نہ ہوں گے
- اَمْثَالَكُمْتمہارے جیسے
Translation · Aasan Quran
دیکھو ! تم ایسے ہو کہ تمہیں اللہ کے راستے میں خرچ کرنے کے لیے بلایا جاتا ہے تو تم میں سے کچھ لوگ ہیں جو بخل سے کام لیتے ہیں، اور جو شخص بھی بخل کرتا ہے وہ خود اپنے آپ ہی سے بخل کرتا ہے۔ (16) اور اللہ بےنیاز ہے، اور تم ہو جو محتاج ہو۔ اور اگر تم منہ موڑو گے تو وہ تمہاری جگہ دوسری قوم پیدا کردے گا، پھر وہ تم جیسے نہیں ہوں گے۔
Tafseer · Aasan Quran
16: اس لیے کہ اگر اللہ تعالیٰ کے حکم کے مطابق خرچ کرنے سے بخل کرو گے تو اس کا نقصان تم ہی کو پہنچے گا، اول تو اس لیے کہ اس کے نتیجے میں جہاد نہ ہوسکے گا، اور دشمن غالب آجائے گا، یا مثلاً زکوٰۃ نہ دینے کی صورت میں فقر و فاقہ عام رہے گا، اور دوسرے اس لیے کہ آخرت میں اللہ تعالیٰ کی نافرمانی کا وبال بھگتنا پڑے گا۔