آسان قرآن
Aasan Quran · 6. Al-An'aam · Ayah 158
هَلْ یَنْظُرُوْنَ اِلَّاۤ اَنْ تَاْتِیَهُمُ الْمَلٰٓئِكَةُ اَوْ یَاْتِیَ رَبُّكَ اَوْ یَاْتِیَ بَعْضُ اٰیٰتِ رَبِّكَ١ؕ یَوْمَ یَاْتِیْ بَعْضُ اٰیٰتِ رَبِّكَ لَا یَنْفَعُ نَفْسًا اِیْمَانُهَا لَمْ تَكُنْ اٰمَنَتْ مِنْ قَبْلُ اَوْ كَسَبَتْ فِیْۤ اِیْمَانِهَا خَیْرًا١ؕ قُلِ انْتَظِرُوْۤا اِنَّا مُنْتَظِرُوْنَ﴿158﴾
- هَلْ يَنْظُرُوْنَکیا وہ انتظار کررہے ہیں
- اِلَّآمگر
- اَنْیہ
- تَاْتِيَهُمُان کے پاس آئیں
- الْمَلٰٓئِكَةُفرشتے
- اَوْ يَاْتِيَیا آئے
- رَبُّكَتمہارا رب
- اَوْ يَاْتِيَیا آئے
- بَعْضُکچھ
- اٰيٰتِنشانیاں
- رَبِّكَتمہارا رب
- يَوْمَجس دن
- يَاْتِيْآئی
- بَعْضُکوئی
- اٰيٰتِنشانی
- رَبِّكَتمہارا رب
- لَا يَنْفَعُنہ کام آئے گا
- نَفْسًاکسی کو
- اِيْمَانُهَااس کا ایمان
- لَمْ تَكُنْنہ تھا
- اٰمَنَتْایمان لایا
- مِنْ قَبْلُاس سے پہلے
- اَوْیا
- كَسَبَتْکمائی
- فِيْٓ اِيْمَانِهَااپنے ایمان میں
- خَيْرًاکوئی بھلائی
- قُلِفرمادیں
- انْتَظِرُوْٓاانتظار کرو تم
- اِنَّاہم
- مُنْتَظِرُوْنَمنتظر ہیں
Translation · Aasan Quran
یہ (ایمان لانے کے لیے) اس کے سوا کس بات کا انتظار کر رہے ہیں کہ ان کے پاس فرشتے آئیں، یا تمہارا پروردگار خود آئے، یا تمہارے پروردگار کی کچھ نشانیاں آجائیں ؟ (حالانکہ) جس دن تمہارے پروردگار کی کوئی نشانی آگئی، اس دن کسی ایسے شخص کا ایمان اس کے لیے کار آمد نہیں ہوگا جو پہلے ایمان نہ لایا ہو، یا جس نے اپنے ایمان کے ساتھ کسی نیک عمل کی کمائی نہ کی ہو۔ (84) (لہذا ان لوگوں سے) کہہ دو کہ : اچھا، انتظار کرو، ہم بھی انتظار کر رہے ہیں۔
Tafseer · Aasan Quran
84: یعنی اس سے مراد قیامت کی آخری نشانی ہے، جس کے بعد ایمان قبول نہیں ہوگا، کیونکہ معتبر ایمان وہی ہے جو دلائل کی بنیاد پر ایمان بالغیب ہو، کسی چیز کو آنکھوں سے مشاہدہ کر کے ایمان لانے سے امتحان کا وہ مقصد پورا نہیں ہوتا جس کے لیے یہ دنیا پیدا کی گئی ہے۔