آسان قرآن
Aasan Quran · 63. Al-Munaafiqoon · Ayah 5
وَ اِذَا قِیْلَ لَهُمْ تَعَالَوْا یَسْتَغْفِرْ لَكُمْ رَسُوْلُ اللّٰهِ لَوَّوْا رُءُوْسَهُمْ وَ رَاَیْتَهُمْ یَصُدُّوْنَ وَ هُمْ مُّسْتَكْبِرُوْنَ﴿5﴾
- وَاور
- اِذَا قِيْلَ لَهُمْجب ان سے کہا جاتا ہے
- تَعَالَوْاآؤ
- يَسْتَغْفِرْ لَكُمْبخشش مانگتے ہیں تمہارے لیے
- رَسُوْلُ اللّٰهِاللہ کے رسول
- لَوَّوْاموڑتے ہیں
- رُءُوْسَهُمْاپنے سروں کو
- وَرَاَيْتَهُمْاور تم دیکھتے ہو ان کو
- يَصُدُّوْنَوہ باز رہتے ہیں
- وَهُمْ مُّسْتَكْبِرُوْنَاور وہ تکبر کرنے والے ہیں
Translation · Aasan Quran
اور جب ان سے کہا جاتا ہے کہ آؤ، اللہ کے رسول تمہارے حق میں مغفرت کی دعا کریں، تو یہ اپنے سروں کو مٹکاتے ہیں، (5) اور تم انہیں دیکھو گے کہ وہ بڑے گھمنڈ کے عالم میں بےرخی سے کام لیتے ہیں۔
Tafseer · Aasan Quran
5: قرآن کریم نے جو لفظ استعمال فرمایا ہے، اس کا ترجمہ سر کا موڑنا بھی ہوسکتا ہے، اور ہلانا بھی۔ حضرت شیخ الہند نے شاید اسی لیے اس کا ترجمہ مٹکانے سے کیا ہے جس میں ایک مکاری کا تصور پنہاں ہے، اور جو ان کی کیفیت کی صحیح ترجمانی کرتا ہے۔