Mafhoom-ul-Quran

اِنَّ الَّذِیْنَ اٰمَنُوْا ثُمَّ كَفَرُوْا ثُمَّ اٰمَنُوْا ثُمَّ كَفَرُوْا ثُمَّ ازْدَادُوْا كُفْرًا لَّمْ یَكُنِ اللّٰهُ لِیَغْفِرَ لَهُمْ وَ لَا لِیَهْدِیَهُمْ سَبِیْلًاؕ

اِنَّ : بیشک الَّذِيْنَ اٰمَنُوْا : جو لوگ ایمان لائے ثُمَّ كَفَرُوْا : پھر کافر ہوئے وہ ثُمَّ : پھر اٰمَنُوْا : ایمان لائے ثُمَّ كَفَرُوْا : پھر کافر ہوئے ثُمَّ : پھر ازْدَادُوْا كُفْرًا : بڑھتے رہے کفر میں لَّمْ يَكُنِ : نہیں ہے اللّٰهُ : اللہ لِيَغْفِرَ : کہ بخشدے لَھُمْ : انہیں وَ : اور لَا لِيَهْدِيَھُمْ : نہ دکھائے گا سَبِيْلًا : راہ

رہے وہ لوگ جو ایمان لائے، پھر کفر کیا، پھر ایمان لائے، پھر کفر کیا، پھر اپنے کفر میں بڑھتے چلے گئے، تو اللہ ہرگز ان کو معاف کرے گا اور نہ کبھی ان کو راہ راست دکھائے گا

ایمان کو مذاق بنانے والے لوگ تشریح : ان آیات میں ان لوگوں کا ذکر کیا گیا ہے جو کسی ہلکے پھلکے جذبہ کے تحت مسلمان ہوجاتے ہیں جب جذبہ ٹھنڈا ہوا تو پھر کافر ہوگئے یا کوئی فائدہ نظر آیا ایمان لانے میں تو اس فائدہ کے حصول میں ایمان لے آئے جب فائدہ نظر نہ آیا تو کافر ہوگئے یہ انتہائی بچگانہ سوچ اور عمل ہے اور نقصان دہ بھی۔ نقصان دہ اس طرح کہ ایسے لوگوں کو اللہ ہرگز معاف نہ کرے گا جو دین کو سنجیدگی سے قبول نہ کریں، بلکہ ایک کھیل سمجھ لیں یہ تو انتہائی احمقانہ حرکت ہے اس کی سزا ان کو ضرور ملے گی، کیونکہ یہ حرکت اللہ رب العزت کو بالکل پسند نہیں اللہ ان سے اس قدر ناراض ہوتا ہے کہ پھر کوئی بھی ہدایت کا راستہ ان کو ہرگز نہیں دکھاتا بلکہ فرماتا ہے کہ یہ لوگ نہ صرف خود ہی کافر ہوتے ہیں بلکہ اوروں کو بھی کفر کی ترغیب دیتے ہیں، پھر مومن دوستوں کو چھوڑ کر کفار کو اپنا دوست بناتے ہیں ایسے لوگوں کے لیے اللہ رب العزت نے بڑا درد ناک عذاب تیار کر رکھا ہے۔ یہ لوگ حد سے زیادہ بیوقوف اور ناعاقبت اندیش ہیں۔ ان میں اتنی بھی عقل نہیں کہ عزت، عظمت اور شان و شوکت یہ سب اللہ کے اختیار میں ہے اگر یہ خلوص نیت سے ایمان لے آئیں اور پھر اللہ سے مانگیں تو وہ ان کی جھولیاں بھرسکتا ہے۔ مگر یہ بیوقوف لوگ کفار سے دوستی کرتے ہیں یہ سوچ کر کہ انکی عزت اور وقار میں ان کی دوستی سے اضافہ ہوجائے گا۔ یہ لوگ نہ ادھر کے رہتے ہیں، نہ ادھر کے رہتے ہیں اور پھر اسی بےیقینی میں ہی مرجاتے ہیں۔ یوں دنیا میں بےمقصد، بےچین اور خراب زندگی گزار دیتے ہیں اور آخرت میں بھی ان کو درد ناک عذاب ملے گا۔

Top