Tafseer-e-Majidi - Az-Zumar : 37
وَ مَنْ یَّهْدِ اللّٰهُ فَمَا لَهٗ مِنْ مُّضِلٍّ١ؕ اَلَیْسَ اللّٰهُ بِعَزِیْزٍ ذِی انْتِقَامٍ
وَمَنْ : اور جس يَّهْدِ اللّٰهُ : اللہ ہدایت دے فَمَا : تو نہیں لَهٗ : اس کے لیے مِنْ : کوئی مُّضِلٍّ ۭ : گمراہ کرنے والا اَلَيْسَ : کیا نہیں اللّٰهُ : اللہ بِعَزِيْزٍ : غالب ذِي انْتِقَامٍ : بدلہ لینے والا
اور جسے اللہ ہدایت دیا سے کوئی گمراہ کرنے والا نہیں،48۔ کیا اللہ زبردست (اور) انتقام پر قادر نہیں ؟ ،49۔
48۔ ہدایت وضلالت اپنے اسباب قریب وظاہری کے لحاظ سے بندہ کے افعال اختیاری میں ہیں۔ اور اسی لئے ان ثواب و عذاب بھی مرتب ہوتے ہیں۔ لیکن اپنے اسباب بعید و حقیقی کے لحاظ سے تمامتر مشیت تکوینی الہی کے ماتحت ہیں اور اسی لئے ان کا انتساب مسبب الاسباب اور علت العلل کی حیثیت سے حق تعالیٰ کی جانب بھی درست ہے۔..... اور ان حواشی میں اس کی صراحت کئی بار کی جاچکی ہے۔ 49۔ کیوں نہیں، قادر ہے اور ضرور قادر ہے۔ اسلام کا خدا اپنے ہر ارادہ پر پوری طرح قادر، متصرف، حاکم ہے، بعض جاہلی مذہبوں کے دیوتاؤں کی طرح معذور بےبس نہیں۔
Top