Tafseer-e-Majidi - Adh-Dhaariyat : 44
فَعَتَوْا عَنْ اَمْرِ رَبِّهِمْ فَاَخَذَتْهُمُ الصّٰعِقَةُ وَ هُمْ یَنْظُرُوْنَ
فَعَتَوْا : تو انہوں نے سرکشی کی عَنْ اَمْرِ رَبِّهِمْ : اپنے رب کے حکم سے فَاَخَذَتْهُمُ الصّٰعِقَةُ : تو پکڑ لیا ان کو ایک کڑک نے وَهُمْ يَنْظُرُوْنَ : اور وہ دیکھ رہے تھے
پر انہوں نے اپنے پروردگار کے حکم سے سرکشی کی، سو انہیں عذاب نے آلیا اس حال میں کہ وہ دیکھ رہے تھے،25۔
25۔ قوم ثمود۔ حضرت صالح (علیہ السلام) کی سرگذشت کئی بار قرآن مجید میں آچکی ہے۔ اور حاشیے وہیں گزر چکے ہیں۔ (آیت) ” اذ قیل لھم “۔ اس قول کے قائل پیغمبر وقت حضرت صالح (علیہ السلام) تھے۔ (آیت) ” تمتعوا حتی حین “۔ یعنی اگر کفر و سرتابی سے باز نہ آئے تو یہ دنیوی عروج واقبال چند ہی روز کا مہمان ہے اور اس کے بعد پھر ہلاکت ہی ہلاکت۔
Top