تفسیر القرطبی

کلاانھاتذکرہ۔۔۔ تا۔۔۔۔ برررہ۔ کلا انھاتذکرہ۔ کلایہ ردع اور زجر کا کلمہ ہے جس طرح آپ نے دونوں فریقوں کے ساتھ رویہ اپنایا ہے معاملہ ایسا نہیں یعنی اس کے بعد آپ ایسانہ کریں کہ آپ غنی کی طرف متوجہ ہوں اور مومن فقیر سے اعراض کریں نبی کریم سے جو رویہ ظاہر ہوا وہ ترک اولی کے ضمن میں آتا ہے جس طرح پہلے یہ بحث گزرچکی ہے اگر اسے گناہ صغیرہ پر محمول کیا جائے تو یہ بھی بعید نہیں، یہ قشیری کا قول ہے، اس صورت میں کلا سے ابتداء کی جائے گی جو حقا کے معنی میں ہے انھا میں ضمیر سے مراد سورت اور قرآن کی آیات ہیں، تذکرہ سے مراد نصیحت ہے یعنی مخلوق کے لیے نصیحت۔