تفسیر القرطبی

واذالقبور بعثرت۔ جب قبروں کو الٹ دیا جائے گا اور اس میں جو مردے ہیں انہی زندہ کرکے نکالاجائے گا یہ جملہ بولا جاتا ہے، بعثرت المتاع میں نے سامان کو الٹ پلٹ کردیا۔ بعثرت الحوض وبعثرتہ جب تو اسے گرادے اور اس کے نیچے والاحصہ اوپر کردے ایک قوم نے کہا، جن میں سے فراء بھی ہے معنی ہے زمین میں جو سونا اور چاندی ہوگی اسے نکال دے گی یہ قیامت کے نشانیوں میں سے ہے کہ زمین اپنا سونا اور چاندی باہر نکال دی گی۔