تفسیر القرطبی

Al-Qurtubi · 91. Ash-Shams · Ayah 6

Tafseer
  1. وَ الْاَرْضِ وَ مَا طَحٰىهَا۪ۙ﴿6﴾

    1. وَالْاَرْضِاور زمین کی
    2. وَمَااور جس نے
    3. طَحٰىهَااسے پھیلایا
Translation · Al-Qurtubi
اور زمین کی اور اسکی جس نے اسے پھیلایا
Tafseer · Al-Qurtubi
اور زمین کی اور اس کو بچانے والے کی۔ قسم ہے زمین کی اور اس کے ہموار کرنے کی۔ ایک قول یہ کیا گیا ہے کہ ما، من کے معنی میں ہے جس کا ہم نے ابھی ابھی ذکر کیا ہے یعنی جس نے اس کو پھیلایا عام مفسرین کی یہی رائے ہے کہ اس کا معنی وہی ہے جو دحاھا کا ہے۔ حضرت حسن بصری مجاہد اور دوسرے علماء کی رائے یہ ہے : طحھا اور دحاھا کا معنی ایک ہی ہے یعنی ہر جانب اسے پھیلادیا۔ طحو کا معنی پھیلانا ہے، طحا، طحوا اور طحی، یطحی، طحیا، دونوں کا معنی ایک ہی ہے۔ طحیت میں پہلو کے بل لیتا۔ یہ ابوعمرو سے مروی ہے۔ حضرت ابن عباس سے مروی ہے۔ طحاھا کا معنی ہے اسے تقسیم کردیا ایک قول یہ کیا گیا ہے کہ اس کا معنی ہے اسے پیدا کیا : شاعر نے کہا : وماتدری جذیمۃ من طحاھا ولا من ساکن العرش الرفیع۔ جذیمہ نہیں جانتی کہ اسے کس نے پیدا کیا اور نہ اسے یہ پتہ ہے کہ عرش رفیع کا رہنے والا کون ہے۔ ماوری نے کہا : اس بارے میں یہ احتمال بھی موجود ہے کہ اس سے مراد نباتات، چشمے اور خزانے ہوں کیونکہ جو زمین پر پیدا کیا گئے ہیں یہ ان کی حیات کا سبب ہیں۔ بعض عربوں کی قسموں میں یوں کہا جاتا ہے، لاوالقمر الطاحی یعنی وہ چاند جو جھانکنے والا روشن اور بلند ہے۔ ابوعمرو نے کہا، طحا الرجل جب وہ زمین میں دور چلاجائے یہ جملہ بولا جاتا ہے، ما ادری این طحا ؟ میں نہیں جانتاوہ کہاں چلا گیا ؟ یہ جملہ بولا جاتا ہے : طحابہ قلبہ یہ جملہ اس وقت بولا جاتا ہے جب ہر چیز اسے بہالے جائے۔ علقمہ نے کہا : طحابک قلب فی الحسان طروب بعید الشباب عصر حان مشیب شعر میں یہ لفظ اسی معنی میں ہے۔