تفسیر القرطبی

Al-Qurtubi · 98. Al-Bayyina · Ayah 4

  1. وَ مَا تَفَرَّقَ الَّذِیْنَ اُوْتُوا الْكِتٰبَ اِلَّا مِنْۢ بَعْدِ مَا جَآءَتْهُمُ الْبَیِّنَةُؕ﴿4﴾

    1. وَمَا تَفَرَّقَاور نہ جدا جدا ہوئے
    2. الَّذِيْنَوہ جو کہ
    3. اُوْتُوا الْكِتٰبَکتاب دئیے گئے
    4. اِلَّامگر
    5. مِنْۢ بَعْدِاسکے بعد
    6. مَاجب
    7. جَآءَتْهُمُانکے پاس آگئی
    8. الْبَيِّنَةُکھلی بات
Translation · Al-Qurtubi
اور اہل کتاب جو متفرق (و مختلف) ہوئے ہیں تو دلیل واضح کے آجانے کے بعد ہوئے ہیں
Tafseer · Al-Qurtubi

وماتفرق الذین اوتوالکتاب الا من بعد ماجاء تھم البینہ۔

الذین اوتوالکتاب۔ سے مراد یہودونصاری ہیں اہل کتاب کے لی تفریق کا خصوصاذکر کیا دوسرے لوگوں کا ذکر نہیں کیا اگرچہ وہ بھی کافروں کیساتھ جمع ہیں الگ اس لیے ذکر کیا، کیونکہ انہیں اپنے بارے میں گمان ہے کہ انہیں علم حاصل ہے جب انہوں نے افتراق کیا ہے تو ان کا غیر جس کے پاس کتاب ہی نہیں وہ اس وصف میں زیادہ داخل ہوگا۔ البینہ سے مراد واضح دلیل ہے اس سے مراد حضرت محمد کی ذات ہے یعنی قرآن حکیم نعمت ہونے کے وصف میں ان کتابوں کے موافق جو کتابیں ان کے پاس ہیں اس کی وجہ یہ ہے وہ آپ کی نبوت پر متفق تھے جب آپ کو مبعوث کیا گیا تو انہوں نے انکار کردیا اور فرقوں میں بٹ گئے ان میں سے کچھ سرکشی وحسد کی وجہ سے کافر ہوگئے اور کچھ ایمان لے آئے، جس طرح اللہ تعالیٰ کا یہ فرمان ہے، وماتفرقوا لامن بعد ماجاء ھم العلم بغیا بینھم۔ الشوری) وہ فرقوں میں نہ بٹے مگر اس کے بعد کہ ان کے پاس علم آچکا تھا انہوں نے یہ باہم حسد کی وجہ سے کیا۔ ایک قول یہ کیا گیا ہے : البینہ سے مراد وہ بیان ہے جوان کتابوں میں مذکور ہے کہ آپ نبی مرسل ہیں علماء نے کہا، سورت کے آغاز سے قیمہ تک ان لوگوں کے بارے میں جو حکم ہے جو اہل کتاب اور مشرکین میں سے ایمان لائے اور ما تفرق اس میں ان اہل کتاب کے بارے میں حکم ہے جو دلائل کے قائم ہونے کے بعد بھی ایمان نہ لائے۔