آسان قرآن
Aasan Quran · 16. An-Nahl · Ayah 71
وَ اللّٰهُ فَضَّلَ بَعْضَكُمْ عَلٰى بَعْضٍ فِی الرِّزْقِ١ۚ فَمَا الَّذِیْنَ فُضِّلُوْا بِرَآدِّیْ رِزْقِهِمْ عَلٰى مَا مَلَكَتْ اَیْمَانُهُمْ فَهُمْ فِیْهِ سَوَآءٌ١ؕ اَفَبِنِعْمَةِ اللّٰهِ یَجْحَدُوْنَ﴿71﴾
- وَاللّٰهُاور اللہ
- فَضَّلَفضیلت دی
- بَعْضَكُمْتم میں سے بعض
- عَلٰيپر
- بَعْضٍبعض
- فِيمیں
- الرِّزْقِرزق
- فَمَاپس نہیں
- الَّذِيْنَوہ لوگ جو
- فُضِّلُوْافضیلت دئیے گئے
- بِرَآدِّيْلوٹا دینے والے
- رِزْقِهِمْاپنا رزق
- عَلٰيپر۔ کو
- مَا مَلَكَتْجو مالک ہوئے
- اَيْمَانُهُمْان کے ہاتھ
- فَهُمْپس وہ
- فِيْهِاس میں
- سَوَآءٌبرابر
- اَفَبِنِعْمَةِپس۔ کیا۔ نعمت سے
- اللّٰهِاللہ
- يَجْحَدُوْنَوہ انکار کرتے ہیں
Translation · Aasan Quran
اور اللہ نے تم میں سے کچھ لوگوں کو رزق کے معاملے میں دوسروں پر برتری دے رکھی ہے۔ اب جن لوگوں کو برتری دی گئی ہے وہ اپنا رزق اپنے غلاموں کو اس طرح نہیں لوٹا دیتے کہ وہ سب برابر ہوجائیں۔ (30) تو کیا یہ لوگ اللہ کی نعمت کا انکار کرتے ہیں ؟ (31)
Tafseer · Aasan Quran
30: مطلب یہ ہے کہ تم میں سے کوئی شخص ایسا نہیں کرتا کہ اپنے غلام کو اپنی دولت اس طرح دیدے کہ وہ دولت میں اس کے برابر ہوجائے۔ اب تم خود مانتے ہو کہ جن دیوتاؤں کو تم نے اللہ کا شریک بنا رکھا ہے، وہ اللہ تعالیٰ کے مملوک یعنی غلام ہیں۔ پھر یہ کیسے ہوسکتا ہے کہ اللہ نے انہیں اپنی خدائی اس طرح دے دی ہو کہ انہیں اللہ کے برابر معبود بننے کا حق حاصل ہوگیا ہو۔
31: یعنی اللہ تعالیٰ کے ساتھ شرک کر کے یہ دعوی کرتے ہیں کہ فلاں نعمت اللہ نے نہیں، بلکہ ان کے گھڑے ہوئے دیوتاؤں نے دی ہے۔