آسان قرآن
Aasan Quran · 28. Al-Qasas · Ayah 54
اُولٰٓئِكَ یُؤْتَوْنَ اَجْرَهُمْ مَّرَّتَیْنِ بِمَا صَبَرُوْا وَ یَدْرَءُوْنَ بِالْحَسَنَةِ السَّیِّئَةَ وَ مِمَّا رَزَقْنٰهُمْ یُنْفِقُوْنَ﴿54﴾
- اُولٰٓئِكَیہی لوگ
- يُؤْتَوْنَدیا جائے گا انہیں
- اَجْرَهُمْان کا اجر
- مَّرَّتَيْنِدہرا
- بِمَا صَبَرُوْااس لیے کہ انہوں نے صبر کیا
- وَيَدْرَءُوْنَاور دور کرتے ہیں
- بِالْحَسَنَةِبھلائی سے
- السَّيِّئَةَبرائی کو
- وَمِمَّااور اس سے جو
- رَزَقْنٰهُمْہم نے دیا انہیں
- يُنْفِقُوْنَوہ خرچ کرتے ہیں
Translation · Aasan Quran
ایسے لوگوں کو ان کا ثواب دہرا دیا جائے گا، کیونکہ انہوں نے صبر سے کام لیا (30) اور وہ نیکی سے برائی کا دفعیہ کرتے ہیں، (31) اور ہم نے جو کچھ ان کو دیا ہے، اس میں سے (اللہ کے راستے میں) خرچ کرتے ہیں۔
Tafseer · Aasan Quran
30: جو شخص پہلے ایک دین کو اختیار کیے ہوئے ہو، اور جسے اس بات پر فخر بھی ہو کہ وہ ایک آسمانی کتاب کی پیروی کر رہا ہے، اس کے لیے نیا دین اختیار کرنا بہت مشکل ہوتا ہے، اس لیے بھی کہ اپنی پرانی عادت چھوڑنا دشوار ہے، اور اس لیے بھی کہ اس کے ہم مذہب اسے تکلیفیں پہنچاتے ہیں، لیکن ان حضرات نے ان تمام تکلیفوں پر صبر کیا، اور حق پر ثابت قدم رہے، اس لیے ان کو دہرا ثواب ملے گا۔
31: یعنی برائی کا جواب بھلائی سے دیتے ہیں